Last updated on October 7th, 2022 at 09:13 pm
ಪೊಸ ತುಳು ಪಿಚ್ಚರ್ ಆಗಸ್ಟ್ 18ಗು ಬುಡುಗಡೆ ಆತ್ಂಡ್. ಪಿಚ್ಚರ್’ನ್ ನಿರ್ದೇಶನ ಮಲ್ದಿನಾರ್ ಅರ್ಜುನ್ ಕಾಪಿಕಾಡ್ ಬೊಕ್ಕ ಬೊಳ್ಳಿಕೂಟೊಡು ಅರ್ಜುನ್ ಕಾಪಿಕಾಡ್, ದೇವದಾಸ್ ಕಾಪಿಕಾಡ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರ್, ನವೀನ್ ಡಿ ಪಡೀಲ್, ಸಾಯಿಕೃಷ್ಣ ಕುಡ್ಲ ಬೊಕ್ಕ ಗಾನ ಭಟ್ ನಂಚಿನ ದಿಗ್ಗಜೆರುಲ್ಲೆರ್.
ತುಳು ಪಿಚ್ಚರ್ ತೂವರೆ ಪೋಪಿನ ಜನಕುಲು ಒಂಜಿ ಎಡ್ಡೆ ಮನಸ್’ಗ್ ಕುಸಿಯಾಪಿನ, ಕುಸಲ್ದ ಪರ್ಬ ಬೋಡು ಪನ್ದ್ ಬಯಕುವೆರ್. ಅವ್ ಮಾತಾ ಈ ಪಿಚ್ಚರ್ಡ್ ಉಂಡು.
ಪಿಚ್ಚರ್ದ ಮಾಮಲ್ಲ ಪ್ಲಸ್ ಪಾಯಿಂಟ್ ದಾದ ಪಂಡ ಏತೇ ಕುಸಲ್ದ ಗೊಬ್ಬು ಇತ್ತ್ಂಡಲಾ, ಒಂಜೇ ಒಂಜಿ ಬಪ್ಪರ್ ಕುಸಲ್ ಇಜ್ಜಿ.
ಅರವಿಂದೆರ್, ಬೋಜರಾಜ್ ಬೊಕ್ಕ ನವೀನೆರ್ ಒಂಜಾಯೆರ್ ಪಂಡ ಕುಸಲ್’ಗ್ ದಾಲಾ ಕಮ್ಮಿ ಇಜ್ಜಿ. ಅಂಚ ಪನ್ದ್ ಕಾಲಿ ಕುಸಲ್ ಮಾತ್ರ ಅತ್ತ್ ಒಂಜಿ ಎಡ್ಡೆ ಕತೆಲಾ, ಕತೆಟ್ ಅಲ್ಪಲ್ಪ ಟ್ವಿಸ್ಟ್’ಲಾ ಎಡ್ಡೆ ಕೊರ್ತೆರ್. ಅರ್ಜುನ್ ಕಾಪಿಕಾಡ್’ರ್ ಕಣ್ಣ್’ಡೇ ನಟನೆ ಮಲ್ಪುವೆರ್, ಗಾನಾ ಭಟ್’ಲಾ ಎಡ್ಡೆ ನಟನೆ ಮಲ್ದೆರ್. ಅರ್ಜುನೆರ್ನ ನಿರ್ದೇಶನ ಬಾರೀ ಎಡ್ಡೆ ಆತ್ಂಡ್. ಒಟ್ಟುಗು ತುಳುತ ವೀಕ್ಷಕೆರ್ ಬಂಜರ ತೆಲ್ಪರೆ ಪಿಚ್ಚರ್ ತೂವರೆ ಪೋವೊಲಿ. ಮಾತೆರ್ಲಾ ಪೋದು ತೂದು ಬಲೆ, ಕೊರಿನ ಕಾಸ್’ಗ್ ಮೋಸ ಇಜ್ಜಿ.
