ತುಳು ಬಾಸೆಗ್ ಮಾನಾದಿಗೆ ಕೊರ್ಲೆ : ಸ್ವತಂತ್ರ ದಿನತಾನಿ ಅಭಿಯಾನೊ

Last updated on August 15th, 2022 at 02:44 pm

“ಭಾರತದ ಸಂವಿಧಾನೊಡು ಮಾನಾದಿಗೆ ಉಪ್ಪಂದಿನ 28 ಬೇತೆ ಬೇತೆ ಬಾಸೆಲು ಭಾರತದ ರಾಜ್ಯೊಲೆಡ್ ರಾಜ್ಯ ಬಾಸೆಲಾದುಂಡು ಇಂಚಾದುಪ್ಪುನ ತುಳುಕು ಕರ್ನಾಟಕೊಡು ಮಾನಾದಿಗೆ ದಾನಿ ಇಜ್ಜಿ?”

“ಕನ್ನಡ ಬರಂದಿನ ತುಳುವಗ್ ತುಳುನಾಡ್ ಡೇ ಸರಕಾರದ ಬೇಲೆ ತಿಕ್ಕುಜಿ ಆಂಡ ತುಳು ಬರಂದಿನ ಕನ್ನಡಿಗಗ್ ತುಳುನಾಡ್ ಡ್ ಬೇಲೆ ತಿಕ್ಕುಂಡು, ಈ ಅನ್ಯಾಯ ತುಳುಕು ರಾಜ್ಯಬಾಸೆದ ಮಾನಾದಿಗೆ ತಿಕ್ಕ್ಂಡ ಮಾತ್ರ ಸಮ ಆವು”

“ಎನ್ನ ಊರುಡು ಎನ್ನ ಬಾಸೆಡ್ ಎಂಕ್ ಸೇವೆಲು ತಿಕ್ಕುಜಿ ಪನಿಬೊಕ್ಕ ವಾ ರೀತಿದ ಸ್ವಾತಂತ್ರ್ಯ ಬೈದ್ಂಡ್ ನಮಕ್? ಎಂಕುಲು ಎಂಕ್ಲೆನ ಬಾಸೆ ಬುಡ್ದ್ ಕನ್ನಡ/ಇಂಗ್ಲೀಷ್ ದ ಮಿತ್ತ್ ಅವಲಂಬನೆ ಆಪಿಲೆಕ್ಕ ಆತ್ಂಡ್”

“ಸ್ವಾತಂತ್ರ್ಯ ತಿಕ್ಕ್ ದ್ 75 ವರ್ಷ ಆಂಡ್, ಕರ್ನಾಟಕದೊಟ್ಟುಗು ಸೇರ್ದ್ 66 ವರ್ಸ ಆಂಡ್ ಆಂಡಲಾ ನಮ್ಮ ನೆಲತ ಪಿರಾಕ್’ದ ಬಾಸೆ ತುಳುಕು ಒವ್ವೇ ಮಾನಾದಿಗೆ ಇಜ್ಜಿ”

ಇಂಚಿನ ಸಾರ ಸಾರ ಟ್ವೀಟುಲು. ಉಂದು ತುಳುವೆರ್ ಸರಕಾರದ ವಿರುದ್ದ ತನ್ಕುಲೆನ ಪಿಸಿರಿನ್ ಪಿದಯಿ ಪಾಡಿನವು. ಎನ್ನ ಬಾಸೆಗ್ ಮಾನಾದಿಗೆ ಕೊರ್ಲೆ ಪನ್ದ್ ತುಳುವೆರ್ ಮಾತ್ರ ಅತ್ತಂದೆ ದೇಶೊದ ಬೇತೆ ಬಾಸೆದಕುಲುಲಾ ಒಂಜಾದ್ ಮಲ್ತೊಂದುಲ್ಲೆರ್. ಭೋಜಪುರಿ, ರಾಜಸ್ಥಾನಿ, ಕೊಡವ ಇಂಚಿನ ಮಾನಾದಿಗೆ ದಾಂತಿನ ಬಾಸೆಲು ಮಾತಾ ಸೇರ್ದ್ ಈ ಅಭಿಯಾನ ಮಲ್ತೊಂದುಲ್ಲೆರ್.