Last updated on August 3rd, 2022 at 07:31 am
ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ನ 75ನೇ ವರ್ಷೊದ ಪುಟ್ಟು ಪರ್ಬದ ಗೌಜಿಗ್, ಅರೆನ ಅಭಿಮಾನಿಲು ಬೊಕ್ಕ ಕಾಂಗ್ರೇಸ್ ಪಕ್ಷದ ಕಾರ್ಯಕರ್ತೆರ್ ಇನಿ ದಾವಣಗೆರೆಟ್ ಮಲ್ಲ ಲೇಸ್ ಮಲ್ತೊಂದುಲ್ಲೆರ್. 6 ಲಕ್ಷೊರ್ದುಲಾ ದಿಂಜ ಜನ ಬರುವೆರ್ ಪನ್ದ್ ಉಂಡು. ಮೂಜರೆ ಲಕ್ಷ ಕುಲ್ಲುನ ವ್ಯವಸ್ಥೆ, ಮೂಜಿ ಮಿತ್ತ ಚಾವಡಿ ಅಂಚೆನೆ 33 LED ಪರದೆಲಾ ಮಲ್ದೆರ್. ಬತ್ತಿನಕಲೆಗ್ ಮಾತೆರೆಗ್ಲಾ ವನಸ್’ದ ವ್ಯವಸ್ಥೆ ಉಂಡು. ಕಾಂಗ್ರೇಸ್’ದ ಮಾಜಿ ಗುರ್ಕಾರೆ ರಾಹುಲ್ ಗಾಂಧಿ ಈ ಲೇಸ್ಡ್ ಪಾಲ್ ಪಡೆಯೊನರೆ ಕೋಡೆ ಹುಬ್ಬಳ್ಳಿಗ್ ಬೈದೆರ್. ದಾವಣೆಗೆರೆ ಹರಿಹರ ರೋಡುದಲ್ಪ ನಿಲ್ಕೆ ಪೋಸ್ಟರ್ ಬ್ಯಾನರ್ ತೋಜೊಂದುಂಡು. ಉಂದು ಕಾಲಿ ಪುಟ್ಟು ಪರ್ಬೊದ ಲೇಸ್ ಮಾತ್ರ ಅತ್ತಂದೆ ಸಿದ್ದರಾಮಯ್ಯೆರ್ ತನ್ನ ಜನಬಲೊನು ತನ್ನವೇ ಪಕ್ಷದಕಲೆಗ್ ತೂಪಾವುನ ಪುನೆಪುಲೆಕ್ಕ ತೋಜಿಗ್ ಬರ್ಪುಂಡು. 2013ಟ್ಟ್ ಅಧಿಕಾರೊಗು ಬರೊರ್ದು ದುಂಬುಲಾ ಅಹಿಂದ ಸಮಾವೇಶ ಮಲ್ತ್’ದ್ ಜನಕ್ಲೆನ್ ಒಟ್ಟುಪಾಡ್ದಿತ್ತೆರ್.
