ಭಾರತೊಡು ಪಗರೊಂದಿಪ್ಪುನ ಟೊಮೆಟೋ ಫ್ಲೂ, ಈ ಪೊಸ ಸೀಕ್’ದ ಬಗೆಟ್ ತೆರಿಯೊನ್ಲೆ

Last updated on August 21st, 2022 at 10:18 am

ಟೊಮೆಟೋ ಫ್ಲೂತ ಸುರುತ ಕೇಸ್ ಮೇ 6ಕ್ಕ್ ಕೇರಳದ ಕೊಲ್ಲಂ ಜಿಲ್ಲೆಡ್ ತೋಜಿದ್ ಬತ್ತ್ಂಡ್. ಅವೆರ್ದ್ ಬೊಕ್ಕ ಪಗರರೆ ಸುರು ಆಯಿನ ಈ ಸೀಕ್ ಇತೋರ್ತು ದೇಶೊಡು 82 ಕೇಸುಲು ಆತ್ಂಡ್. ಉಂದುಲಾ ಒಂಜಿ ವೈರಸ್’ಡ್ ಪಗರುನ ಸೀಕ್ ಆದುಂಡು. ಈ ಸೀಕ್ ಹೆಚ್ಚಾದ್ ಒಂಜೆರ್ದ್ ಐನ್ ವರ್ಸದ ಜೋಕುಲೆಡ ತೋಜಿದ್ ಬೈದ್ಂಡ್. ಟೊಮೆಟೋ ಪ್ಲೂತ ಸೀಕ್’ದ ಲಕ್ಷಣೊಲು ಪೂರಾ ಕೋವಿಡ್ ಲೆಕ್ಕನೇ ಉಂಡು ಆಂಡ ಉಂದು ಕೋವಿಡ್ದನೇ ನನೊಂಜಿ ರೂಪ ಅತ್ತ್. 

ರೋಗ ಲಕ್ಷಣ ದಾದ?

ಜೋರು ಜ್ವರ, ಕೈ ಕಾರ್ ಬೇನೆ, ಮೈ ಕೈ ಕಿರುಂಬುನು, ತರೆ ತಿರ್ಗುನು ಇಂಚಿನ ಪೂರಾ ಆಪುಂಡು ಆತ್ ಅತ್ತಂದೆ ಗಂಟ್ಲೆಡ್ ದರ್ಪು, ಕಕ್ಕುನು, ಜಿಲಾಬು ಆಪಿನಲಾ ಸಾಧ್ಯತೆ ಉಂಡು. 

ಮರ್ದ್ ಉಂಡಾ?

ಚುಕುನ್ ಗುನ್ಯಾ, ಡೆಂಗಿಗ್ ಕೊರಿಲೆಕ್ಕನೇ ಟೊಮೆಟೋ ಫ್ಲೂಗ್ಲಾ ಮರ್ದ್ ಕೊರ್ಪೆರ್. ಈ ಸೀಕ್ ಬತ್ತಿನಕುಲು ಪಗರಂದಿಲೆಕ್ಕ ಬೇತೆನೆ ಉಪ್ಪೊಡು, ಆಯಿನಾತ್ ನೀರ್ ಪರೊಡು. ಕಿರುಂಬುನೆಕ್ಕ್ ಗಂಟ್ ಬೇನೆಗ್ ಬೆಚ್ಚ ನೀರ ಸೇಕ ಕೊರೊಂದಿಪ್ಪೊಡು.