Last updated on August 23rd, 2022 at 12:24 pm
ಕೇಂದ್ರ ಬೊಕ್ಕ ರಾಜ್ಯೊಡು ಒಂಜೇ ಸರಕಾರ ಇತ್ತ್‌ದ್ ಆ ಸರಕಾರೊಡು ತುಳುನಾಡ್‌ದ ಜನೊಕುಲು ಎಡ್ಡೆ ತಾನೊಲೆಡ್ ಇತ್ತಿನೆರ್ದಾವರ ಈ ಸರ್ತಿ ಆಂಡಲಾ ತುಲುಬಾಸೆಗ್ ತಿಕ್ಕೊಡಾಯಿನ ಮಾನಾದಿಗೆ ತಿಕ್ಕುಂದ್ ಕನ ತೂವೊಂದಿತ್ತಿನ ತುಲುವೆರ ಕನ ಅಂಚೆನೇ ಒರಿದ್ಂಡ್‌. ಈ ದಿಟ್ಟಿಡ್ ತುಲುನಾಡ್‌ದ ಪ್ರತಿನಿಧಿಲೆನ ಕಡೆರ್ದ್ ಒವ್ವೇ ಉಮೇದ್ ತೋಜಿದ್ ಬರೊಂದಿಜ್ಜಿ.
ಈ ದಿಟ್ಟಿಡ್ ಸೆಪ್ಟೆಂಬರ್ 2 ಕ್ ಮಾನ್ಯ ಪ್ರಧಾನ ಮಂತಿರ್ಲು ತುಲುನಾಡ್‌ಗ್ ಬರ್ಪುನ ಪೊರ್ತುಡು ತುಲುವೆರ್ ಟ್ವೀಟ್ ಅಭಿಯಾನ ಮಲ್ತ್‌ದ್ ಪ್ರಧಾನಿಲೆನ ಗೇನ ಒಯ್ಪುನ ಬಗ್ಗೆ ಅಲೋಚನೆ ಮಲ್ತೊಂದುಲ್ಲೆರ್. ಮಾತಾ ತುಲುಕೂಟೊಲೆನ ಒಟ್ಟು ಸೇರಿಗೆಡ್ ತುಲುಬಾಸೆನ್ 8ನೇ ಪರಿಚ್ಛೇದೊಗು ಗೋಡ್ಯಾವೊಡು ಅಂಚೆನೇ ಕರ್ನಾಟಕ ಬೊಕ್ಕ ಕೇರಳ ರಾಜ್ಯೊಲೆಡ್ ಸಹ ಅಧಿಕೃತ ಬಾಸೆ ಪಂದ್ ಮಾನಾದಿಗೆ ಕೊರೊಡು ಪನ್ಪಿ ಅಂಗಲಪ್ಪು ದೀವೊಂದು #TuluTo8thSchedule ಬೊಕ್ಕ #TuluOfficialInKA_KL ಪನ್ಪಿ ಹ್ಯಾಷ್‌ಟ್ಯಾಗ್ ಗಲಸ್‌ದ್ ಟ್ವೀಟ್ ಮನ್ಪುನ ಅಟ್ಟನೆ ಆವೊಂದುಂಡು.
