Last updated on September 14th, 2022 at 07:35 am
ದೇಯಿ ಬೈದೆತಿ ಕೋಟಿ ಚೆನ್ನಯ ಮೂಲಸ್ಥಾನ ಶ್ರೀಕ್ಷೇತ್ರ ಗೆಜ್ಜೆಗಿರಿಟ್ ಕ್ಷೇತ್ರೊದ ಅಭಿವೃದ್ಧಿದ ದಿಟ್ಟಿಡ್ ಅಷ್ಟಮಂಗಲ ಪ್ರಶ್ನಾಚಿಂತನೆ ದೈವಜ್ಞೆ ಜ್ಯೋತಿಷ್ಯ ತಿಲಕಂ ಶಶಿಧರ್ ಮಾಂಗಾಡ್ ಬೊಕ್ಕ ರಾಜೇಶ್ ಇರಿಯ ಮೊಕಲೆನ ಮುತಾಲಿಕೆಡ್ ಸೆಪ್ಟೆಂಬರ್ 13ಕ್ ಸುರು ಆತ್ಂಡ್. ಇನಿ ಬೊಕ್ಕ ಎಲ್ಲೆಲಾ ಈ ಪ್ರಶ್ನಾಚಿಂತನೆ ದುಂಬರಿಯುಂಡು.
ಗೆಜ್ಜೆಗಿರಿ ಕ್ಷೇತ್ರೊದ ಭಕ್ತೆರ್ ಈ ಪ್ರಶ್ನಾಚಿಂತನೆಡ್ ಪಾಲ್‌ಪಡೆವೊಡು ಪಂದ್ ಆಡಳಿತ ಸಮಿತಿ ಬಿನ್ನೈತೊಂದ್ಂಡ್. ಈ ಪ್ರಶ್ನಾಚಿಂತನೆಡ್ ಗುರ್ಕಾರ್ಲು ಪೀತಾಂಬರ ಹೆರಾಜೆ, ಮಾನಾದಿಗೆದ ಗುರ್ಕಾರ್ಲು ಜಯಂತ ನಡುಬೈಲ್, ಶ್ರೀಧರ ಪೂಜಾರಿ, ಒತ್ತು ಗುರ್ಕಾರ್ಲು ರವಿ ಪೂಜಾರಿ ಚಿಲಿಂಬಿ, ಪ್ರಧಾನ ಕಾರ್ಯಂತೆರ್ ಉಲ್ಲಾಸ್ ಕೋಟ್ಯಾನ್, ಪಣವುದ ಪಾಲವೆರ್ ದೀಪಕ್ ಕೋಟ್ಯಾನ್, ನವೀನ್ ಸುವರ್ಣ, ಶೇಖರ ಬಂಗೇರ, ರಾಜೇಂದ್ರ ಚಿಲಿಂಬಿ, ನಾರಾಯಣ ಮಚ್ಚಿನ, ವಸಂತ ಅಮೀನ್ ಒತ್ತುಪಾಲ್‌ಡಿತ್ತೆರ್.
