Last updated on September 12th, 2022 at 10:22 am
ಕಾಂಗ್ರೇಸ್ ಬುಡಿಬೊಕ್ಕ ತನ್ನ ಸುರುತ ರ್‍ಯಾಲಿ ಬಾರಾಮುಲ್ಲಡ್ ಮಲ್ತಿನ ಆಜಾದ್ ಆರ್ಟಿಕಲ್ 370 ಮುಗಿದ್ ಪೋಯಿನ ಅಧ್ಯಾಯ ನನ ಅವೆನ್ ಏರೆಗ್ಲಾ ಪಿರ ಕನವರೆ ಆಪುಜಿ ಪನ್ದ್ ಪಂಡೆರ್. ಅವೆನ್ ಪಿರ ಕನೊಡಾಂಡ ಒವ್ವೇ ಪಾರ್ಟಿಗ್ ಲೋಕಸಭೆಟ್ 350ರ್ದ್ ಹೆಚ್ಚ ಸೀಟುಲು ಬೋಡು ಅಂಚೆನೆ ರಾಜ್ಯಸಭೆಟ್ ಮೂಜೆಕ್ಕ್ ರಡ್ಡ್ ಬಹುಮತ ಬೋಡು. ಇತ್ತೆದ ರಾಜಕೀಯ ಪರಿಸ್ಥಿತಿಡ್ ಒವ್ವೇ ಪಾರ್ಟಿ ಆತ್ ಬಹುಮತ ಕನಪಿನಲೆಕ್ಕ ಇಜ್ಜಿ.
ಜಮ್ಮು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿಯಾದಿತ್ತಿನ ಗುಲಾಮ್ ನಬಿ ಆಜಾದ್ ಮೇರ್ ಪ್ರಾದೇಶಿಕ ಪಕ್ಷೊಲು ಈ ವಿಷಯೊಡು ಜನಕುಲೆನ ತಾದಿ ತಪ್ಪಾವುನೆನ್ ಬುಡೊಡು. ಜಮ್ಮು ಕಾಶ್ಮೀರ 1947ರ್ದಿಂಚಿ ಮಸ್ತ್ ಸಂಕಸ್ಟೊಲೆಡ್ ಉಂಡು, ರಾಜಕೀಯದಕಲೆನ ಕಲು ಪಾತೆರೊಲೆಡ್ ಏತೋ ಲಕ್ಷ ಜನ ಜೀವ ಕಲೆಯೊಂದೆರ್. ಜಮ್ಮು ಕಾಶ್ಮೀರೊಡು ಪರಡೊಂದಿಪ್ಪುನ ಈ ಕಲು ಸುದ್ದಿಲೆನ್ ಮಾಜಾವರೆ ಯಾನ್ ಪೊರುಂಬಾಟ ಮಲ್ಪುವೆ ಪನ್ದ್ ಪಂಡೆರ್.