Last updated on September 25th, 2022 at 10:09 am
ಕುಡ್ಲ ಜಿಲ್ಲೆದ ಮಾತಾ ಸರಕಾರಿ, ಅನುದಾನಿತ ಬೊಕ್ಕ ಅನುದಾನದಾಂತಿನ ಪ್ರಾಥಮಿಕ ಬೊಕ್ಕ ಪ್ರೌಢಶಾಲೆಲೆಗ್ ಸೆಪ್ಟೆಂಬರ್ 28 ರ್ದ್ ಅಕ್ಟೋಬರ್ 16 ಮುಟ್ಟ ಮಾರ್ನೆಮಿ ರಜೆ ಪಂದ್ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ. ವಿ. ಆದೇಶ ಕೊರ್ತೆರ್.
ರಾಜ್ಯೊದ ಮಾತ ಶಾಲೆಲೆಗ್ ಅಕ್ಟೋಬರ್ 3ರ್ದ್ ಅಕ್ಟೋಬರ್ 26 ಮುಟ್ಟ ರಜೆ ಘೋಷಣೆ ಆದಿತ್ತ್ಂಡ್. ಶಿಕ್ಷಣ ಸಚಿವೆರ್ ಬೊಕ್ಕ ಸಕಾಲ ಸಚಿವೆರ್ನ ಅನುಮೋದನೆದಂಚ ಮಾರ್ನೆಮಿ ಕರಿಪುನೆಕ್ ಪೂರಕ ಆಪಿಲೆಕ ಕುಡ್ಲ ಜಿಲ್ಲೆದ ಜೋಕುಲೆಗ್ 4 ದಿನ ಎಚ್ಚಿಗೆ ರಜೆ ಕೊರ್ತೆರ್.
ಸೂಚನೆ:
1. ಗಾಂಧಿ ಜಯಂತಿನ್ ಕಡ್ಡಾಯ ಆಚರಿಪೊಡು
2. ಎಚ್ಚಿಗೆ 4 ದಿನೊತ ರಜೆನ್ ಸಮ ಮನ್ಪೆರ ನವೆಂಬರ್‌ಡ್ 4 ಶನಿವಾರ ಇಡೀ ದಿನ ಕ್ಲಾಸ್ ಮನ್ಪೊಡು ಬೊಕ್ಕ 2 ಐತಾರ ಇಡೀ ದಿನ ಕ್ಲಾಸ್ ಮನ್ಪೊಡು.