ನೋಯ್ಡಾಡ್ ಟವರ್ ಪುಡತಿಲೆಕ್ಕ ಬೆಂಗಳೂರುಡ್ಲಾ ಕಟ್ವಾನೊಲೆನ್ ದರ್ಪುವ

Last updated on September 13th, 2022 at 04:18 pm

ಇಂಚಪ್ಪೊಗು ಬೆಂಗಳೂರುಡು ಬೊಲ್ಲ ಬತ್ತ್ ದ್ ಜನಜೀವನ ಅಸ್ತವ್ಯಸ್ತ ಆಯಿನೇ ಲಕ್ಕಿನ ರಾಜ್ಯಸರಕಾರ ರಾಜಕಾಲುವೆನ್ ಉಲಯಿ ಪಾಡೊಂದು ಕಟ್ಟುದಿನ ಕಟ್ವಾನೊಲೆನ್ ಪೂರಾ ಗುರುತು ಮಲ್ದ್ಂಡ್. 

ಸುಮಾರ್ 700ರ್ದ್ ಲಾ ದಿಂಜ ಕಟ್ವಾನೊಲು ಇಂಚ ಕಟ್ಟ್ ದ್ ನೀರ್ ಪೋವಂದಿಲೆಕ್ಕ ಮಲ್ತ್ ದ್ ಇಂಚಪ್ಪೊಗು ಬೊಲ್ಲ ಏರಿನಿ. 

ಅಕ್ರಮ ಕಟ್ವಾನೊಲೆನ್ ದರ್ಪುನ ಬೇಲೆ ಇತ್ತೆನೆ ಸುರು ಮಲ್ದ, ಉಂದು ಪೂರಾ ಸರಿ ಆನ ಮುಟ್ಟ ದರ್ಪುನ ಬೇಲೆ ನಡಪುಂಡು ಪನ್ದ್ ಸಚಿವೆರಾಯಿನ ಆರ್.ಅಶೋಕ್ ಪಂಡೆರ್. ಅಂಚೆನೆ ಅಕ್ರಮೊಡು ಕಟ್ವಾನೊಲೆನ್ ಕಟ್ಟರೆ ಪರ್ಮಿಷನ್ ಕೊರ್ತಿನಕ್ಲೆನ ಮಿತ್ತ್ ಕ್ರಮ ದೆತೊನುವ ಪನ್ದ್ ಪಂಡೆರ್.