Last updated on September 12th, 2022 at 03:51 pm
ಜ್ಞಾನವಾಪಿ ಪಲ್ಲಿದ ಪ್ರಕರಣೊತ ಬಗ್ಗೆ ಮುಸ್ಲಿಂ ಅರ್ಜಿದಾರೆರೆ ಆಕ್ಷೇಪಣೆನ್ ನ್ಯಾಯಾಲಯ ಪೊಟ್ಟು ಮಲ್ದ್ಂಡ್. ಐನ್ ಹಿಂದೂ ಪೊಂಜೊವುಲು ಸಂದಾದಿತ್ತಿ ಅರ್ಜಿ ವಿಚಾರಣೆಗ್ ಯೋಗ್ಯ ಪಂದ್ ಉತ್ತರ ಪ್ರದೇಶೊದ ವಾರಾಣಸಿ ಜಿಲ್ಲಾ ಕೋರ್ಟ್ ಆದೇಶ ಕೊರ್ತುಂಡು.
ಈ ಇಸಯೊದ ದುಂಬದ ವಿಚಾರಣೆ ಸೆಪ್ಟೆಂಬರ್ 22ಕ್ ನಡಪುಂಡು ಪಂದ್ ಹಿಂದೂಬರಿತ ವಕೀಲೆ ವಿಷ್ಣುಶಂಕರ್ ಜೈನ್ ತೆರಿಪಾಯೆರ್.
ಜ್ಞಾನವಾಪಿ ಪಲ್ಲಿದ ಗಟನೆದುಲಯಿ ಇಪ್ಪುನ ಶೃಂಗಾರ ಗೌರಿ ಬೊಕ್ಕ ಬಾಕಿ ದೇವೆರ್ಕುಳೆನ ಪೂಜೆದ ಹಕ್ಕ್‌ದ ಬಗ್ಗೆ ಪೊಂಜೊವುಲು ಸಂದಾದಿತ್ತಿ ಅರ್ಜಿದ ವಿಚಾರಣೆ ಆವೊಡು ಪಂದ್ ಅಜಯ್‌ಕೃಷ್ಣ ವಿಶ್ವೇಶ್ ಆದೇಶ ಕೊರ್ತೆರ್.
ದುಂಬೇ ಕೊರ್ದಿತ್ತಿನ ಈ ಅರ್ಜಿದ ವಿಚಾರಣೆನ್ ಕೋಮುಸೂಕ್ಷ್ಮತೆದ ದಿಟ್ಟಿಡ್ ಸೆಪ್ಟೆಂಬರ್ 12ಕ್ ನಡಪಾವುನ ಪಂದ್ ನಿಗಂಟ್ ಆದಿತ್ತ್ಂಡ್.
ಇತ್ತೆ ಈ ಅರ್ಜಿ ವಿಚಾರಣೆಗ್ ಯೋಗ್ಯ ಪಂದ್ ಆಯಿನ ಬೆರಿಟೇ ಪೂಜೆಗ್ ಅವಕಾಶ ಕೊರೊಡಾ ಬೊರ್ಚಾ ಪನ್ಪಿ ವಿಚಾರಣೆ ಸೆಪ್ಟೆಂಬರ್ 22ಕ್ ನಡಪುಂಡು.