Last updated on October 8th, 2022 at 04:34 pm
ದೇಶ ವಿದೇಶೊಡು ಪುದರ್ ಪೋತಿನ ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ಕ್ಷೇತ್ರೊದ ಕುಡ್ಲ ದಸರಾ ಇನಿ ನವದುರ್ಗೆರೆನ ಬೊಕ್ಕ ಅಪ್ಪೆ ಶಾರದೆನ ಪ್ರತಿಷ್ಠಾಪನೆದೊಟ್ಟುಗು ಸುರುವಾಂಡ್.
ಆದಿಶಕ್ತಿ, ಮಹಾಗಣಪತಿನೊಟ್ಟುಗು ನವದುರ್ಗೆರಾಯಿನ ಶೈಲಪುತ್ರಿ, ಬ್ರಹ್ಮಚಾರಿಣಿ, ಚಂದ್ರಘಂಟಾ, ಕೂಷ್ಮಾಂಡಿನಿ, ಸ್ಕಂದಮಾತಾ, ಕಾತ್ಯಾಯನಿ, ಮಹಾಕಾಳಿ, ಮಹಾಗೌರಿ, ಸಿದ್ಧಿಧಾತ್ರಿಯೆರೆನ ಪ್ರತಿಷ್ಠಾಪನೆ ಆತ್ಂಡ್. ಅಪ್ಪೆ ಶಾರದೆನ ಮೂರ್ತಿ ಏಪೊಲ್ದ ಲೆಕೊನೇ ತೂಪಿನಕ್ಲೆನ್ ತನ್ನಂಚಿ ಒಯ್ಪುನ ಕಳೆದಿಂಜಿದ್ ಮೆನ್ಕೊಂದುಂಡು.
ಮಾಜಿ ಕೇಂದ್ರ ಸಚಿವೆರ್ ಜನಾರ್ದನ ಪೂಜಾರ್ಲು ತುಡರ್ ಅರ್ಲಾದ್ ಉಚ್ಚಯೊದ ಉದಿಪನ ಮಲ್ತೆರ್. ಲೇಸ್‌ಡ್ ಕೆ.ಪಿ.ಸಿ.ಸಿ ಪ್ರಚಾರ ಸಮಿತಿದ ಗುರ್ಕಾರ್ಲು ಎಂ.ಬಿ. ಪಾಟೀಲ್, ವಿಪಕ್ಷ ಉಪನಾಯಕೆ ಯು.ಟಿ. ಖಾದರ್, ಶಾಸಕೆರ್ ವೇದವ್ಯಾಸ ಕಾಮತ್, ಉಮಾನಾಥ ಕೋಟ್ಯಾನ್ ಬೊಕ್ಕ ಆರ್‌ಎಸ್‌ಎಸ್ ಮುಖಂಡೆರ್ ಕಲ್ಲಡ್ಕ ಪ್ರಭಾಕರ ಭಟ್ ಇತ್ತೆರ್.