Last updated on September 8th, 2022 at 09:19 pm
ದೆಲ್ಲಿದ ಭಜನ್‌ಪುರ ಪ್ರದೇಶೊದ ಒಂಜಿ ಜನ ಮುನ್ನಿರೆಡ್ ತನ್ನ ಸ್ಕೂಟರ್ ಒಚ್ಚೊಂದಿಪ್ಪುನ ವೀಡಿಯೋ ಒಂಜಿ ವೈರಲ್ ಆತ್ಂಡ್. ಬರಿತ ಇಲ್ಲದಕ್ಲ್ ಈ ಜನ ಗಾಡಿ ಒಚ್ಚುನ ವೀಡಿಯೋ ಮಲ್ತ್‌ದ್ ಸಾಮಾಜಿಕ ಜಾಲತಾಣೊಡು ಪಾಡ್ದಿತ್ತೆರ್. ವೀಡಿಯೋಡ್ ಮಡಿತಿನ ರಾಷ್ಟ್ರಧ್ವಜೊಟು ತನ್ನ ಬೊಲ್ದು ರಂಗ್‌ದ ಸ್ಕೂಟರ್ ಒಚ್ಚೊಂದಿಪ್ಪುನ ತೂವೊಲಿ.
ಈ ಇಸಯೊನು ಗಾತಿಡ್ ದೆತೊಂದಿನ ಪೋಲೀಸ್ 1971ತ ರಾಷ್ಟ್ರೀಯ ಗೌರವೊಗು ಅಪಮಾನೊನು ಉಂತಾವುನ ನೇಮೊದ ಕಲಂ 2ತ ಪಿರ್ಕಾರ ಭಜನ್‌ಪುರ ಸ್ಟೇಷನ್‌ಡ್ ಕೇಸ್ ಪಾಡ್ದೆರ್.
ಸ್ಕೂಟರ್ ಒಚ್ಚಿನ ಜನೊನು ಅರೆಸ್ಟ್ ಮಲ್ತ್‌ದ್ ಸ್ಕೂಟರ್‌ನ್ಲಾ ಪೋಲೀಸ್‌ದಕ್ಲು ವಶೊಕು ದೆತೊಂದೆರ್. ಯಾನ್ ಬೋಡು ಬೋಡೂಂದ್ ಇಂಚ ಮಲ್ತಿನತ್ತ್ ಪಂದ್ ಅರೆಸ್ಟ್ ಆತಿನ ಜನ ಪನೊಂದುಂಡು. ಎಚ್ಚಿನ ತನಿಖೆ ಆವೊಂದುಂಡು ಪಂದ್ ಪೋಲೀಸ್‌ದಕ್ಲು ತೆರಿಪಾದೆರ್.