ಇನ್ಫೋಸಿಸ್ ತನ್ನ ಬೇಲೆದಕ್ಲೆನ್ ದೆಪ್ಪುನ ಸಾಧ್ಯತೆ, ಇನ್ಫೋಸಿಸ್ಡ್ ಬೇಲೆ ಮಲ್ಪುನಕುಲು ಓದೊಡೇ ಆಯಿನ ಸುದ್ದಿ!

Last updated on September 13th, 2022 at 07:06 pm

ಕೆಲವೆರ್ ಒಂಜಿ ಕಡೆಟ್ ಬೇಲೆಡ್ ಇತ್ತ್ ದೇ ಬರಿಟ್ ಕುಡೊಂಜಿ ಬೇಲೆ ಮಲ್ತೊಂದಿಪ್ಪುವೆರ್. ಈ ವಿಷಯೊಡು ಇನ್ಫೋಸಿಸ್ ಕಡಕ್ ಆದ್ ತನ್ನ ಬೇಲೆದಕಲೆಗ್ ಸಂದೇಶ ಕೊರ್ತುಂಡು. ಪ್ರತಿಯೊರಿ ಬೇಲೆಗ್ ಸೇರ್ನಗಲಾ ಒಂಜಿ ಕಾಂಟ್ರ್ಯಾಕ್ಟ್ ಆದಿಪ್ಪುಂಡು, ಅವ್ ಕಾಂಟ್ರ್ಯಾಕ್ಟ್ ಪ್ರಕಾರ ಒರಿ ಒಂಜಿ ಬೇಲೆಡ್ ಉಪ್ಪುನಗ ಕುಡೊಂಜಿ ಸೈಡ್ ಬೇಲೆ ಮಲ್ಪುಲೆಕ್ಕ ಇಜ್ಜಿ. ಒಂಜಿ ವೇಳೆ ಈ ರೀತಿ ಇನ್ಫೋಸಿಸ್ದಕುಲು ಮಲ್ತೊಂದಿತ್ತೆರ್ಡ ಇತ್ತೆನೇ ಅವೆನ್ ಉಂತಾವೊಡು ಪನ್ದ್ ಪಂತ್ಂಡ್.

ಒಂಜಿ ವೇಳಿ ಏರಾಂಡಲಾ ಇನ್ಪೋಸಿಸ್ ದ ಬೇಲೆ ಅತ್ತಂದೆ ಬೇತೆಲಾ ಸೈಡ್ ಡ್ ಮಲ್ಪುನ ತೆರಿದ್ ಬತ್ತ್ಂಡ ಅಕ್ಲೆನ್ ಇನ್ಫೋಸಿಸ್ ರ್ದ್ ಬೇಲೆರ್ದ್ ದೆಪ್ಪುವ ಪನ್ದ್ ಕಡಕ್ ಎಚ್ಚರಿಕೆನ್ ಮೈಲ್ ಮಲ್ತ್ ದ್ ಪಂತೆರ್.

ಇಂಚ ರಡ್ಡ್ ಬೇಲೆ ಮಲ್ಪುನ ವಿಷಯೊಡು ಇಂಚಪ್ಪೊಗು ಮಸ್ತ್ ಪಾತೆರಕತೆಲು ನಡತೊಂದುಂಡು. ಇಂಚೊಗು ವಿಪ್ರೋದ ಮುಖ್ಯಸ್ಥೆರ್ಲಾ ಇಂಚ ರಡ್ಡ್ ಬೇಲೆ ಮಲ್ಪುನವು ಕಂಪೆನಿಗ್ ಮೋಸ ಮಲ್ತಿಲೆಕ್ಕ ಪನ್ದ್ ಪಂದಿತ್ತೆರ್.