Last updated on September 9th, 2022 at 07:51 am
6 ಫೆಬ್ರವರಿ 1952ಕ್ಕ್ ರಾಣಿಯಾದ್ ಪಟ್ಟೊಗು ಬತ್ತಿನ ಎಲಿಜಬೆತ್, ತಾನ್ ತೀರುನ ಮುಟ್ಟ ಪಂಡ ಸುಮಾರ್ 70 ವರ್ಷ ಇಂಗ್ಲೆಂಡ್ ರಾಣಿಯಾದ್ ಆಳ್ವಿಕೆ ಮಲ್ತೆರ್. ಆತ್ ಅತ್ತಂದೆ ಮೇರ್ 14 ಬೇತೆ ಕಾಮನ್ವೆಲ್ತ್ ದೇಶೊಲೆಗ್ಲಾ ರಾಣಿಯಾದಿತ್ತೆರ್. ಮೆರೆನ ಆಳ್ವಿಕೆ ದಾಖಲೆ ಮಲ್ದ್ಂಡ್, ಮೆರೆನಾತ್ ವರ್ಷ ಒವ್ವೇ ಬ್ರಿಟೀಷ್ ರಾಜಮನೆತನದ ಪ್ರತಿನಿಧಿಲು ಆಳ್ವಿಕೆ ಮಲ್ದ್‌ಜೆರ್.
ಮೇರ್ ರಾಜೆ ಜಾರ್ಜ್ ನ ಕಡೀರ ಮಗಲಾದ್ 1926ಕ್ಕ್ ಪುಟ್ಟಿಯೆರ್. ಜಾರ್ಜ್ ತೀರಿನದಗ 25 ವರ್ಷದ ಎಲಿಜಬೆತ್ ರಾಣಿಯಾಯೆರ್. ಎಲಿಜಬೆತ್ ಪ್ರಿನ್ಸ್ ಫಿಲಿಪ್‌ನ್ 1947ಟ್ಟ್ ಮದ್ಮೆ ಆದಿತ್ತೆರ್, ಮೊಕುಲು ಫಿಲಿಪ್ 2021ಟ್ಟ್ ತೀರುನಡೆಮುಟ್ಟ ಒಟ್ಟುಗಿತ್ತೆರ್.
ರಾಣಿನ ಪಟ್ಟ ಕಾಲಿ ಒಂಜಿ ಔಪಚಾರಿಕ ಮಾತ್ರ, ಅಕಲೆಗ್ ಒವ್ವೇ ರೀತಿದ ಮಲ್ಲ ಮಟ್ಟ್‌ದ ಆಡಳಿತ ಅಧಿಕಾರ ಇಜ್ಜಿ. ಅಕ್ಲು ರಾಷ್ಟ್ರದ ಗುರ್ಕಾರ್ಲು ಮಾತ್ರ. ಆಂಡಲಾ ಎಲಿಜಬೆತ್‌ರೆನ ಕಾಲೊಡು ಮಸ್ತ್ ಬದಲಾವಣೆಲು ಆತ್ಂಡ್. ಏತೋ ದೇಶೊಲು ಬ್ರಿಟೀಷೆರ್ನ ಅಡಿರ್ದ್ ಸ್ವತಂತ್ರರಾಯೆರ್, ಕಾಮನ್ವೆಲ್ತ್ ಬುಡಿಯೆರ್. ಅಂಚೆನೇ ಎಲಿಜಬೆತ್‌ರೆನ ಕೆಲವು ವಿಚಾರೊಲೆನ ಬಗೆಟ್ ಬಾರೀ ಟೀಕೆಲುಲಾ ಉಂಡು.
ನನ ದುಂಬುದ ಇಂಗ್ಲೆಂಡ್ ರಾಜೆ, ಎಲಿಜಬೆತ್ ನ ಮಗೆ ಚಾರ್ಲ್ಸ್ ಆಪೆರ್.