ರೊಹಿಂಗ್ಯಾನಕುಲು ಮಲ್ಲ ಪುದೆ : ಷೇಕ್ ಹಸೀನಾ

Last updated on September 5th, 2022 at 09:48 am

ರೊಹಿಂಗ್ಯಾರ್ದ್ ಪಾರ್ ಬೈದಿನಕುಲು ಬಾಂಗ್ಲಾದೇಶೊಗು ಮಲ್ಲ ಪುದೆ ಆತೆರ್, ಭಾರತ ಈ ಸಮಸ್ಯೆಗ್ ಪರಿಹಾರ ನಾಡುನೆಟ್ಟ್ ಒಂಜಿ ಮಲ್ಲ ಪಾತ್ರ ಮಲ್ಪೊಲಿ ಪನ್ದ್ ಬಾಂಗ್ಲಾದೇಶೊದ ಪ್ರಧಾನ ಮಂತ್ರಿ ಷೇಕ್ ಹಸೀನಾ ಮೇರ್ ಭಾರತೊಗು ಬರೊರ್ದು ದುಂಬು ಪಂಡೆರ್.

ಮಾನವೀಯ ನಿಲೆಟ್ ಎಂಕುಲು ಅಕಲೆಗ್ ಮಾತಾ ಕೊರ್ತ, ಆಂಡ ಅಕಲೆನ್ ಏತ್ ದಿನ ಪನ್ದ್ ಎಂಕ್ಲೆನ ದೇಶೊಡು ದೀವೊನೊಲಿ? ಅಕುಲು ಅಕ್ಲೆನ ದೇಶ ಮಯನ್ಮಾರ್ ಗ್ ಏತ್ ಬೇಗ ಪೋಪೆರಾ ಆತ್ ಎಡ್ಡೆ. ಎಂಕುಲು ಈ ವಿಷಯೊಡು ಅಂತರಾಷ್ಟ್ರೀಯ ಸಂಸ್ಥೆಲೆನೊಟ್ಟುಗು ಪಾತೆರಕತೆ ಮಲ್ತೊಂದುಲ್ಲ ಪನ್ದ್ ಪಂಡೆರ್.