Last updated on September 15th, 2022 at 07:05 pm
ಅಂಗಡಿಗ್ ಸಾಮಾನ್ ದೆತೊನರೆ ಬತ್ತಿನ ಪೊಂಜೊವುಗು ಲೈಂಗಿಕ ಉಪದ್ರ ಕೊರ್ತಿನ ಆರೋಪಡ್ ಪುತ್ತೂರ್‌ದ ಜವನನ್ ಪೋಲೀಸ್‌ದಕ್ಲು ಪತ್ತ್‌ದೆರ್.
ಪುತ್ತೂರ್ ಸೊರಕೆದ ನಿವಾಸಿ ಬದ್ರುದ್ದೀನ್ ಅರೆಸ್ಟ್ ಆತಿನ ಜವನೆ ಪಂದ್ ತೆರಿದ್ ಬೈದ್ಂಡ್.
ಪುತ್ತೂರ್ ತಾಲೂಕ್‌ದ ತಿಂಗಳಾಡಿಡ್ ಇಪ್ಪುನ ಅಂಗಡಿಯೊಂಜೆಕ್, ಸೆಪ್ಟೆಂಬರ್ 14ತ ಬಯ್ಯದ ಪೊರ್ತುಡು ಪೊಂಜೊವು ಒರ್ತಿ ಸಾಮಾನ್ ದೆತೊನರೆ ಪೋದಿತ್ತೆರ್. ಅಂಗಡಿದ ದನಿ ಪಿದಯಿ ಪೋದಿತ್ತಿನ ಈ ಪೊರ್ತುಡು ಬದ್ರುದ್ದೀನ್ ಪೊಂಜೊವುನ ಮಿತ್ತ್ ಕೈ ಪಾಡ್ದ್ ಉಪದ್ರ ಕೊರ್ತೆ ಪಂದ್ ಆರೋಪ ಮಲ್ದೆರ್.
ಈ ಪೊರ್ತುಡು ಒಟ್ಟಾಯಿ ಹಿಂದೂ ಸಂಘಟನೆಲೆ ಜವನೆರ್ ಆಯಿನಾತ್ ಬೇಗೊಡು ಕಾನೂನು ಕ್ರಮ ದೆತೊನೊಡು ಪಂದ್ ಕೇನೊಂಡೆರ್.