Last updated on September 14th, 2022 at 09:59 pm
ಸರಕಾರಿ ಪ್ರಥಮ ದರ್ಜೆ ಕಾಲೇಜಿದ ತರ್ಕೋಲ್ ಪೊಲ್ತ್‌ದ್ ಕಂಡೆರ ಪುನೆತಿನ ಘಟನೆ ಉಬಾರ್‌ರ್ದ್ ವರದಿ ಆತ್ಂಡ್.
ಕಾಲೇಜ್‌ಡ್ ಈಯೋಡುದ ಪರೀಕ್ಷೆ ಆವೊಂದುಂಡು. ಈ ಸಂದರಪ್ಪುಡು ಕೆಮಿಸ್ಟ್ರಿ ಲ್ಯಾಬ್‌ದ ತರ್ಕೋಲ್ ಪೊಲ್ತ್‌ದ್ ಉಲಯಿ ಪೊಗ್ಗಿನ ಕಲ್ವೆರ್ ಅಲ್ಪ ಇತ್ತಿನ ಕಬಟ್ದ ಬಾಕಿಲ್ ಪುಡಪ್ಪೆರ ತೂತೆರ್. ಕಬಟ್ದ ಕೀ ನಾಡೆರ ಬೇತೆ ಡ್ರಾವರ್‌ಲೆನ್ಲಾ ಒಯ್ತ್ ಪಾಡ್ದೆರ್‌. ಮಿತ್ತ್‌ರ್ದ್ ತೂನಗ ಪ್ರಶ್ನೆ ಪತ್ರಿಕೆಗ್ ಬೋಡಾದ್ ನಡತಿನ ಬೇಲೆ ಲೆಕ್ಕ ತೋಜುಂಡು. ಪ್ರಶ್ನೆ ಪತ್ರಿಕೆ ದೀದಿತ್ತಿ ಕಬಟ್ದ ಬೀಗ ಪ್ರಿನ್ಸಿಪಾಲ್‌ಡನೇ ಇತ್ತ್‌ದ್, ಅವೆಕ್ ಒಂಜಾತ್ ಸುರಕ್ಷಾ ವ್ಯವಸ್ಥೆಲು ಇತ್ತಿನೆರ್ದಾವರ ಪ್ರಶ್ನೆ ಪತ್ರಿಕೆ ಕಂಡರೆ ಆತಿಜಿ.
ಕಾಲೇಜಿಗ್ ಬೆರೆಲಚ್ಚಿ ತಜ್ಞೆರ್, ನಾಯಿ ದಳೊತಕ್ಲ್‌ಲಾ ಭೇಟಿ ಕೊರ್ತೆರ್. ಕಾಲೇಜಿದ ಪ್ರಿನ್ಸಿಪಾಲ್ ಕೊರಿನ ದೂರುದಂಚ ಪ್ರಕರಣ ದಾಖಲಾತ್ಂಡ್.