Last updated on September 20th, 2022 at 09:18 am
ಕಿಶೋರ್ ಸಮ್ರೀತೆ, ಮಧ್ಯ ಪ್ರದೇಶೊದ ಬಾಲಾಘಾಟ್ ಜಿಲ್ಲೆದ ಲಾಂಜಿ ವಿಧಾನಸಭಾ ಕ್ಷೇತ್ರೊರ್ದು ಸಮಾಜವಾದಿ ಪಾರ್ಟಿರ್ದ್ ಶಾಸಕೆ ಆದಿತ್ತಿನಾರೆನ್ ಸಂಸತ್‌ನ್ ಪುಡಪಾವೆ ಪಂದ್ ಪಂಡಿನ ಕಾರಣೊಗು ಪೋಲೀಸ್‌ದಕುಲು ಅರೆಸ್ಟ್ ಮಲ್ದೆರ್. ಕಿಶೋರ್ ಸಮ್ರೀತೆ ಸಂಸತ್‌ಗ್ ಕಡಪುಡ್ದಿನ ಪಾರ್ಸೆಲ್‌ಡ್ ಬೆದರಿಕೆ ಓಲೆ, ದೇಸೊದ ಕೊಡಿ, ಸಂವಿಧಾನೊದ ಒಂಜಿ ಪ್ರತಿ ಒಟ್ಟುಗು ಸ್ಫೋಟಕೊಡು ಗಲಸುನ ಜಿಲೆಟಿನ್ ಕಡ್ಡಿಲು ಇತ್ತ ಪಂದ್ ಪೋಲೀಸ್‌ದಕುಲು ತೆರಿಪಾದೆರ್.
ಪೋಲೀಸ್‌ದಕುಲೆನ ಪ್ರಕಾರ ಕಿಶೋರ್ ಕೇಂದ್ರೊಗು ಕಡಪುಡ್ದಿನ ಈ ಬೆದರಿಕೆ ಓಲೆಡ್ ತನ್ನ ಕ್ಷೇತ್ರೊದ ಸಮಸ್ಯೆಲೆಗ್ ನನಲಾ ದಾಲ ಪರಿಹಾರ ತಿಕ್ಕಿದಿಜಿ. ಸೆಪ್ಟೆಂಬರ್ 30ಗ್ ದುಂಬು ಪರಿಹಾರ ಆಯಿಜಿಂಡ ಪೊಸ ಸಂಸತ್ ಸೆಂಟ್ರಲ್ ವಿಸ್ತಾನ್ ಬಾಂಬ್ ಪಾಡ್ದ್ ಪುಡಪಾವೆ ಪಂದ್ ಬರೆದಿತ್ತ್ಂಡ್.
2008ಡ್ ಶಾಸಕೆ ಆದಿತ್ತಿನ ಕಿಶೋರ್ ಸಮ್ರೀತೆ ಇತ್ತೆ ಸಂಯುಕ್ತ ಕ್ರಾಂತಿ ಪಾರ್ಟಿದ ಗುರ್ಕಾರ್ಮೆ ವೈಸೊಂದೆರ್.