ತುಳುಕು ಕರ್ನಾಟಕೊಡು ಮಾನಾದಿಗೆ ಕೊರಿಯರೆ ಆಪುಜಿ, ಕರ್ನಾಟಕೊಡು ಕನ್ನಡನೇ ಸಾರ್ವಭೌಮ : ಸುನೀಲ್ ಕುಮಾರ್

Last updated on October 8th, 2022 at 04:32 pm

ಇಂಡಿಯನ್ ಎಕ್ಸ್‌ಪ್ರೆಸ್ ಪತ್ರಿಕೆಗ್ ಸೆಪ್ಟೆಂಬರ್ 25ಕ್ಕ್ ಕೊರಿನ ಇಂಟರ್ವೀವ್ ಡ್, ಸುನೀಲ್ ಕುಮಾರ್ ಕರ್ನಾಟಕೊಡು ಮಂಡನೆ ಆಯಿನ ಕನ್ನಡ ಭಾಷೆ ಬಿಲ್ ಬಗೆಟ್ ಪಾತೆರಿಯೆರ್.
ತುಳು ಕೊಡವ ಬಾಸೆ ಪಾತೆರುನಕುಲು ಅಕ್ಲೆನ ಬಾಸೆನ್ ಕರ್ನಾಟಕೊದ ರಡ್ಡನೇ ಬಾಸೆ ಮಲ್ತ್ ದ್ ಕರ್ನಾಟಕೊಡು ಸ್ಥಾನಮಾನ ಕೊರೊಡು ಪನ್ದ್ ಪನೊಂದುಲ್ಲೆರ್, ಅಕುಲು ಕರ್ನಾಟಕೊಡು ತುಳುಕು ಮಾನಾದಿಗೆ ಕೇನುನ ಸರಿ ಅತ್ತ್, ಕರ್ನಾಟಕೊಡು ಕನ್ನಡ ಬಾಸೆ ಅತ್ತಂದೆ ಬೇತೆ ಒವ್ವೇ ಬಾಸೆಗ್ ಮಾನಾದಿಗೆ ಕೊರಿಯರೆ ಆಪುಜಿ ಪಂದ್ ಪಂಡೆರ್.

ಕರಿನ ಸಲ ತುಳುವೆರ್ ರಾಜ್ಯಬಾಸೆದ ಮಾನಾದಿಗೆ ಕೇನ್ನಗ ಕುಡ್ಲದ ಸಂಸದೆರಾಯಿನ ನಳೀನ್ ಕುಮಾರ್ ಕಟೀಲ್ ತನ್ನ ಅಧಿಕಾರಾವಧಿಡೇ ಉಂದೆನ್ ಮಲ್ಪಾದ್ ಕೊರ್ಪ ಪನ್ದ್ ಪಂಡಿತ್ತೆರ್. ತುಳುವೆರೆ ಓಟುದೇ ಗೆಂದ್‌ದ್ ಬತ್ತಿನ ಸುನೀಲ್ ಕನ್ನಡ ಸಚಿವೆ ಆಯಿನೇ ತುಳುವೆರ್ ನನ ಆಂಡಲ ತುಳುಕು ಮಾನಾದಿಗೆ ತಿಕ್ಕು ಪನ್ದ್ ಎನ್ನ್‌ದಿತ್ತೆರ್. ಆಂಡ ತುಳುವೆರ್ ಏತ್ ಸಲ ಬೇಡಿಕೆ ಕೊರುಂಡಲಾ ಮಲ್ಪಾವ ಮಲ್ಪಾವ ಪನ್ಪಿನ ಆಶ್ವಾಸನೆ ಕೊರೊಂದಿತ್ತಿನ ತುಳುನಾಡ್‌ದ ಶಾಸಕೆರ್ ಇತೋರ್ತು ತುಳುವೆರೆಗ್ ಸುಳ್ಳು ಪನೊಂದಿತ್ತೆರ್ ಪನ್ದ್ ಇನಿ ಸಚಿವೆರೆನ ಪಾತೆರ ಕೇನ್ನಗ ತೆರಿದ್ ಬರ್ಪುಂಡು. ಕರ್ನಾಟಕೊಡು ತುಳುತಂಚಿನ ಬಾಸೆಗ್ ಒವ್ವೇ ತಾನಮಾನ ಕೊರಿಯರೆ ಆಪುಜಿ ಪಂದ್ ಸಚಿವೆರ್ ಕಡ್ಡಿ ತುಂಡಾಯಿಲೆಕ್ಕ ಪಂಡೆರ್.