Last updated on September 15th, 2022 at 12:09 pm
ಪರ್ತಿನ ಅಮಲ್‌ಡ್ ಒರಿ ತನ್ನ ಪಲಯನೇ ಕೆರ್ತಿನ ಇಸಯೊ ವಿಟ್ಲ ಪಡ್ನೂರ್ ಗ್ರಾಮೊದ ಕೊಡಂಗೆ ಬನಾರಿ ಪನ್ಪಿನಲ್ತ್ ವರದಿ ಆತ್ಂಡ್. ಆರೋಪಿನ್ ಪೋಲೀಸ್‌ದಕ್ಲು ಅರೆಸ್ಟ್ ಮಲ್ದೆರ್.
ಕೊಲೆ ಆತಿನಾರ್ ಕೊಡಂಗೆ ಬನಾರಿದ ಕರಿದ್‌ಪೋತಿನ ಶೀನಪ್ಪ ದೇವಿಡಿಗೆರೆನ ಮಗೆ ಗಣೇಶ್ ಬಂಗೇರ(54). ಅರೆಸ್ಟ್ ಆತಿನ ಆರೋಪಿ ಮೆರೆನ ಮೆಗ್ಯೆ ಪದ್ಮನಾಭ ಬಂಗೇರ(49). ರಡ್ಡ್ ಜನಲಾ ವಿಟ್ಲ ಪಡ್ನೂರ್ ಗ್ರಾಮೊಡು ತನ್ಕುಲೆ ಅಪ್ಪೆ ಕಮಲಕ್ಕೆನ ಇಲ್ಲಡ್ ಇತ್ತೊನೆದೆರ್. ಪದ್ಮನಾಭೆರ್ ಪಲಯೆ ಗಣೇಶೆರೆನ್ ಒವ್ವಾ ಕೈದ್ ಗಲಸ್‌ದ್ ಕೆರ್ತೆರ್ ಪಂದ್ ಮೊಕ್ಲೆ ತಂಗಡಿ ಅರೋಪ ಮಲ್ದೆರ್. ಕಾಂಡೆ ಅಪ್ಪೆರ್ ಫೋನ್ ಮಲ್ತ್‌ದ್ ಗಣೇಶೆ ಲಕ್ಕೊಂದಿಜ್ಜೆ, ಪಾತೆರೊಂದಿಜ್ಜೆ ಪಂಡೆರ್. ಎಂಕ್ಲ ಪೋದು ತೂನಗ ಆಯೆ ತೀರ್ದಿತ್ತೆರ್ ಪಂದ್ ತೆರಿಪಾಯೆರ್.
ವಿಟ್ಲ ಪೋಲೀಸ್ ಸ್ಟೇಷನ್ ಇನ್ಸ್‌ಪೆಕ್ಟರ್ ಎಚ್. ಇ. ನಾಗರಾಜೆರೆನ ಮುತಾಲಿಕೆಡ್ ತನಿಖೆ ಆವೊಂದುಂಡು. ಪುನೊನು ಕುಡ್ಲದ ಕೆ.ಎಸ್. ಹೆಗ್ಡೆ ಆಸ್ಪತ್ರೆಗ್ ಕಡಪುಡ್ದ್ ಕೊರ್ತೆರ್.
