Last updated on October 1st, 2022 at 08:18 am
ಭಾರತ ಸರಕಾರ ಭೂತಾನ್ ರ್ದ್ ಕನಿಷ್ಟ ಆಮದು ಬಿಲೆ ದಾಂತೆ ಪಚ್ಚೆ ಬಜ್ಜೈ ಕನ್ಪಾವರೆ ನಿರ್ಧಾರ ಮಲ್ದಿನವು ಕರ್ನಾಟಕದ ಬಜ್ಜೈ ಬುಲೆಪುನಕಲೆಗ್ ಮಂಡೆಬೆಚ್ಚ ಕನದ್ಂಡ್. ಸರಕಾರ 17,000 ಟನ್ ಪಚ್ಚೆ ಬಜ್ಜೈ ಆಮದು ಮಲ್ಪರೆ ಮಂಡೆ ಆಡಾದ್ಂಡ್. ನಮ್ಮಲ್ಪದ ಬಜ್ಜೈ ಬುಲೆಪುನಕಲೆನ ಎಡ್ಡೆಗಾದ್ ಸರಕಾರ ಇತ್ತೆನೇ ಉಂದೆನ್ ಪಿರದೆತೊನೊಡು ಪನ್ದ್ ಬಜ್ಜೈ ಅಸೋಸಿಯೇಶನ್ದಕುಲು ಪಂಡೆರ್. ಸದ್ಯೊದು ಈ ಆಮದು ನಮಕ್ ದಾಲಾ ಪೆಟ್ಟಾಪಿಲೆಕ್ಕ ತೋಜಂದ್ ಆಂಡ ನನ ದುಂಬ ವರ್ಸೊಲೆಡ್ ಉಂದು ನಮಕ್ ಮಲ್ಲ ಪೆಟ್ಟಾಪುಂಡು, ನಮ್ಮಲ್ಪನೇ ಆತ್ ಬಜ್ಜೈ ಬುಲೆಪುನ ತಾಕತ್ ಇಪ್ಪುನಗ ಪಿದಯಿರ್ದ್ ಕನತ್ ದ್ ನಮ್ಮ ಬಜ್ಜೈಗ್ ಬಿಲೆ ದಾಂತಿಲೆಕ್ಕ ಆವು ಪನ್ದ್ ಪಂಡೆರ್.
