Last updated on October 25th, 2022 at 04:55 pm
ಟೆಕ್ಸಾಸ್ ನೇಲ್ಯಕಲ್ಪಕೊಟ್ಯದ ಅಜಕಾರೆರ್ ಎಲಾನ್ ಮಾಸ್ಕ್ ನ ಸ್ಟಾರ್ಲಿಂಕ್ ಒತ್ತುಗ್ರಹೊಕುಲೆನ ಉಲಬಲೆತ ಸೀಕ್ರೆಟ್ ನಾಡ್ ಪತ್ತಿಯೆರ್. ಜಿಪಿಯಸ್ ಲೆಕ್ಕ ಕಜ್ಜ ಮಲ್ಪುನ ಒರುನು ರಿವರ್ಸ್ ಇಂಜಿನಿಯರಿಂಗ್ ಮಲ್ತ್ ಅಜತೆರ್.
ಕರಿನ ರಡ್ಡ್ ವರ್ಸೊರ್ದಿಂಚಿ ಟೋಡ್ ಹಮ್ಫ್ರೇ ಬೊಕ್ಕ ಅರೆನ ಪಾಸಾಡಿಲು ಒಟ್ಟು ಸೇರ್ದ್ ಸ್ಟಾರ್ಲಿಂಕ್ ಒತ್ತುಗ್ರಹೊಕುಲು ತಿರ್ತ-ಕಕ್ಷೆರ್ದ್ ಕಡಪುಡಿನ ಸಿಗ್ನಲ್ ಲೆನ್ ರಿಸೀವರ್ ಮಲ್ತ್ ಪತ್ತೊಂದಿತ್ತೆರ್. ಎಂಕುಲು ಸ್ಪೇಸ್-ಎಕ್ಸ್ ದೊಟ್ಟುಗು ಸುರುಕು ಪಾತೆರಕತೆ ಮಲ್ಪುನಗ ಅಕುಲು ಸ್ಟಾರ್ಲಿಂಕ್ ದ ಸಿಗ್ನಲ್ ಒರು ಎಂಕ್ಲೆಗ್ ತೆರಿಪಾದ್ಜೆರ್. ಅಂಚಾದ್ ಎಂಕುಲು ಮುದೆಲ್ ರ್ದ್ ಬೇಲೆ ಸುರು ಮಲ್ಪೊಡಿತ್ತ್ಂಡ್ ಪನ್ದ್ ಪಂಡೆರ್. ಸ್ಟಾರ್ಲಿಂಕ್ ಜಿಪಿಎಸ್ ಲೆಕ್ಕನೇ ಕಜ್ಜ ಮಲ್ಪುಂಡು. ಪಿರಪಸೆರುನ ಸಿಗ್ನಲ್ ಸಮ ಪೊರ್ತುಗು ಒತ್ತುಗ್ರಹೊಕುಲೆರ್ದ್ ಕಡಪುಡುವೆರ್. ಒಂಜಿ ಮಿಲಿಸೆಕೆಂಡ್ ಗ್ ನಾಲ್ ಅನುಕ್ರಮೊಲು ಬರ್ಪ- ಉಂದು ಜಿಪಿಎಸ್ ಲೆಕ್ಕನೇ. ಉಂದೆನ್ ಬೊಕ್ಕ ಒತ್ತುಗ್ರಹೊಕುಲು ಎಂಚ ತಿರ್ಗೊಂದುಲ್ಲ ಪನ್ಪಿ ಮಾಯಿತಿನ್ ಪತೊಂದು ನಮಕ್ ರಿಸೀವರ್ ಒಲ್ಪ ಉಂಡು ಪನ್ದ್ ತೆರಿಯೊಲಿ. ಉಂದು 98 ಫೀಟ್ ದಾತ್ ಸಮ ಉಪ್ಪು. ಉಂದೆನ್ ಜಿಪಿಎಸ್ ದೊಟ್ಟುಗು ತೂಕುಂಡ ಜಿಪಿಎಸ್ ಉಂದೆರ್ತ್ ಏತೋ ಎಡ್ಡೆ ಉಂಡು.
ಸ್ಪೇಸ್-ಎಕ್ಸ್ ದಕುಲು ಎಂಕ್ಲೆಗ್ ಬೋಡಾಪಿಲೆಕ್ಕ ಮಾಯಿತಿ ಕೊರ್ದು ಎಂಕ್ಲೆಡ ಬೇಲೆ ಮಲ್ಪಾಯೆರ್ಡ ಉಂದೆನ್ ಸಮ ಮಲ್ಪೊಲಿ ಪನ್ದ್ ಹಮ್ಫ್ರೇ ಪಂಡೆರ್. ಇಜಿಂಡ ಸ್ಟಾರ್ಲಿಂಕ್ ಜಿಪಿಎಸ್ ದ ಬದಲ್ಡ್ ಗಲಸರೆ ಆಪುಜಿ ಪನ್ದ್ ತೆರಿಪಾಯೆರ್.