ಪುರುಬಾಲೆಗ್ ಮಂಜೊಲ್ ಸೀಕ್ ದಾಯೆಗ್ ಬರ್ಪುಂಡು? ಮಾತೆರ್ಲಾ ಓದೊಡಾಯಿನ ಮಾಯಿತಿ.

Last updated on October 30th, 2022 at 10:34 am

ಪುರಬಾಲೆದ ಚರ್ಮ ಬೆೊಕ್ಕ ಕಣ್ಣ್ ಮಂಜೊಲ್ ಆಪಿನ ಬಾಲೆಗ್ ಬರ್ಪುನ ಮಂಜೊಲ್ ಸೀಕ್ ದ ಒಂಜಿ ಲಚ್ಚನ. ಪುರುಬಾಲೆಗ್ ಈ ಸೀಕ್ ದಾಯೆಗ್ ಬರ್ಪುಂಡು ಪನ್ಡ ಬಾಲೆದ ನೆತ್ತೆರ್ದ ಕೆಂಚಿ ನೆತ್ತೆರ ಕಣೊಟು ಮಂಜೊಲ್ದ ಅಂಶೊ(ಬಿಲಿರುಬಿನ್) ಲೆಕ್ಕೊರ್ದು ಜಾಸ್ತಿ ಉಪ್ಪುನೆರ್ದಾವರ.

38 ವಾರೊರ್ದು ದುಂಬು ಪುಟ್ಟಿನ ಬಾಲೆಗ್ ಉಂದು ಸಾಮಾನ್ಯವಾದ್ ಬರ್ಪುಂಡು. ಕೆಲವ್ ಮಿರೆ ಪೇರ್ ಪರ್ಪಿ ಜೋಕುಲೆಗ್ಲಾ ಬರ್ಪುಂಡು. ಪುರು ಬಾಲೆದ ತಂಕ ಪಲ್ಲೆಡ್ ಬಿಲಿರುಬಿನಿನ್ ಅಲಿಪುನ ತಾಕತ್ ಉಪ್ಪಂದಿನೆರ್ದಾತ್ರ ಈ ಸೀಕ್ ಬರ್ಪುಂಡು.

ಎಚ್ಚಿನ ಪುರುಬಾಲೆಗ್ ಈ ಸೀಕ್ ಗ್ ಮರ್ದ್ ಕೊರೊಡುಂದು ಇಜ್ಜಿ. ಆಂಡ ಕೆಲವ್ ಕೇಸ್ ಡ್ ನೆತ್ತೆರೆ ಮಟ್ಟೊಡು ಲೆಕ್ಕೊರ್ದ್ ಜಾಸ್ತಿ ಇತ್ತಿನ ಮಂಜೊಲ್ದ ಕಣ ಮಂಡೆಗ್ ಮಿದುಲುಗ್ ತೆಟ್ಟ್ ಮಲ್ಪು.