Last updated on October 22nd, 2022 at 04:51 pm
ಕೇರಳದ ಪುಗಾರ್ತೆದ ಶಬರಿಮಲೆಟ್ ನನ ದುಂಬುದ ಪೆರಿಯ ಪೂಜಾರ್ಮೆದ ಮಾನಿಯಾದ್ ಕಣ್ಣೂರು ಜಿಲ್ಲೆದ ತಳಿಪರಂಬದ ಜಯರಾಮ್ ನಂಬದೂರಿ ಅಜತ್ ಬತ್ತೆರ್.
10 ಜನತ ಪುದರ್ ಅಜಪರೆ ಇತ್ತ್ಂಡ್ ಅವೆಟ್ 7ನೇದಾರಾಯಿನ ಜಯರಾಮೆರೆಗ್ ಪೆರಿಯ ಪೂಜಾರ್ಮೆ ತಿಕ್ಕ್ಂಡ್. ರಡ್ಡ್ ಕರ್ಂಡೆಲೆಡ್ ಒಂಜೆಟ್ಟ್ ಪುದರ್ ಬೊಕ್ಕೊಂಜೆಟ್ಟ್ ಪೆರಿಯ ಪೂಜಾರ್ಮೆದ ಮಾನಿ ಪನ್ದ್ ಬರೆದ್ ಪಾಡ್ದಿಪ್ಪುವೆರ್. ರಡ್ಡ್ ಚೀಟಿನ್ ಒಟ್ಟುಗು ದೆಪ್ಪೊಡು, ಇಂಚ ದೆಪ್ಪುನಗ ಆಜಿ ಪುದರ್ ದೊಟ್ಟುಗು ಕುಡೊಂಜಿ ಕರ್ಂಡೆಡ್ ಕಾಲಿ ಚೀಟಿ ಬರೊಂದಿತ್ತ್ಂಡ್. ಏಳನೇ ಪುದರ್ ಜಯರಾಮೆರ್ನ ಚೀಟಿ ದೆಪ್ಪುನಗ ಪೆರಿಯ ಪೂಜಾರ್ಮೆದ ಮಾನಿ ಪನ್ದ್ ಬತ್ತ್ಂಡ್. ಅಂಚಾದ್ ನನ ದುಂಬುಗು ಮೇರ್ ಪೂಜಾರ್ಮೆ ಕರಿಪುವೆರ್. ಪಂದಳಂ ರಾಜೆರ್ನ ವಂಶೊದಾರ್ ಈ ಚೀಟಿ ದೆತ್ತ್ ಅಲ್ಪದ ಬಾರಗೆರೆಗ್ ಕೊರಿಯೆರ್.