Last updated on October 28th, 2022 at 11:11 am
ಉಳ್ಳಾಲ: ಕಂಡನೆ-ಬೊಡೆದಿ ಬಾರಿ ಸಂಶಯಾಸ್ಪದ ರಿತಿಟ್ ಸೈದಿನ ಘಟನೆ ಉಳ್ಳಾಲದ ಪೋಲೀಸ್ ಸೀಮೆದ ಪಿಲಾರ್ ಪನ್ಪಿನಲ್ಪ ಗುರುವಾರ ನಡತ್‌ದ್ಂಡ್.
ಪಿಲಾರ್ ಶಿವಾನಂದ ಪೂಜಾರಿ (55) ಲೆನ ಪುನ ತೋಟೊಡು ಬಲ್ಲ್ ಪಾಡೊಂದಿನ ಲೆಕ ತಿಕ್ಕ್‌ದ್ಂಡ್. ಆರೆನ ಬೊಡೆದಿ ಶೋಭಾ ಪೂಜಾರಿ (45) ಮೆರೆನ ಪುನ ಇಲ್ಲದ ಜೆಪ್ಪುನದೆಟ್ ಜೆತ್ತಿಲೆಕ ತಿಕ್ಕ್‌ದ್ಂಡ್. ಮದ್ಯಾನ ಅಪ್ಪೆಗ್ ಫೋನ್ ಮಲ್ತಿನ ಯಗೆ ಕಾರ್ತಿಕ್, ಫೋನ್ ದೆಪ್ಪಂದಿನೆಕ್ ಬರಿತ ಇಲ್ಲದಾರೆಡ ತೂದು ಬರ್ಯೆರ ಪಂಡೆರ್. ಬರಿತಿಲ್ಲದ ಪೊಂಜೋವು ಬತ್ತ್ ತೂನಗ ಇಲ್ಲದುಲಯಿ ಶೋಭಾ ಜೆತ್ತಿನಲಾಪನೇ ತೀರ್ದಿನ ತೂದು ಪೋಡಿದ್ ಪೋದಿತ್ತೆರ್. ಒಂತೆ ತೈರ್ದ್ ತೋಟೊಡು ಬಲ್ಲ್ ಪಾಡೊಂದಿನ ಶಿವಾನಂದೆರ್ನ ಪುನೊಲಾ ತಿಕ್ಕ್‌ದ್ಂಡ್.
ಮಿತ್ತ್‌ರ್ದ್ ತೂನಗ ಸಂಶಯ ಸ್ವಭಾವೊದ ಶಿವಾನಂದ್, ಬೊಡೆದಿನ ನಾಲಿ ಪೊಜೆಂಕ್‌ದ್ ಕೆರ್ದ್ ಬೊಕ್ಕ ಬಲ್ಲ್ ಪಾಡೊಂದೆರ್ ಪಂದ್ ಜನ ಪಾತೆರೊಂದುಲ್ಲೆರ್.
ಜಾಗೆಗ್ ಭೇಟಿ ಕೊರ್ತಿನ ಫೊರೆನ್ಸಿಕ್ಸ್ ಕೂಟ ಪುನೊಕ್ಲೆನ ಪರೀಕ್ಷೆ ಮಲ್ತೊಂದುಲ್ಲೆರ್. ಎಸಿಪಿ ದಿನಟರ್ ಶೆಟ್ಟಿ ಮುತಾಲಿಕೆಡ್ ಘಟನೆದ ಜಡ್ತೆ ನಡತೊಂದುಂಡು. ಫೊರೆನ್ಸಿಕ್ಸ್ ರಿಪೋರ್ಟ್ ಬರಂದೆ ದಾಲ ಪನರ ಆಪುಜಿ ಪಂದ್ ಪೋಲೀಸ್ ಅಧಿಕಾರಿಲು ಪಂತೆರ್.