Last updated on October 30th, 2022 at 01:16 pm
ಸುಳ್ಯ: 10 ದಿನೊತ ಪೊಡಿ ಬಾಲೆನ್ ಅಪ್ಪೆ ಒರ್ತಿ ಗೂವೆಲ್‌ಗ್ ದಕ್ಕ್‌ದ್ ಕೆರ್ತಿನ ಘಟನೆ ಸುಳ್ಯದ ಕೂತ್ಕುಂಜ ಗ್ರಾಮೊಡು ನಡತ್‌ದ್ಂಡ್.
ಪಂಜದ ಮುಟ್ಟದ ಕೂತ್ಕುಂಜ ಗ್ರಾಮೊದ ಬಸ್ತಿಕಾಡ್‌ಡ್ ಇಪ್ಪುನ ಪವಿತ್ರಾ ಪನ್ಪಿನಾರ್ ಬಾಲೆನ್ ಕೆರ್ತಿನ ಅಪ್ಪೆ.
ತುಮ್ಕೂರ್ ಜಿಲ್ಲೆದ ಶಿರಾ ತಾಲೂಕ್‌ದ ಮಣಿಕಂಠ ಪನ್ಪಿನಾರೆನ್ ಮದ್ಮೆ ಆದಿತ್ತಿನ ಪವಿತ್ರಾ ಇಂಚಿಪ್ಪೊಗು ಆಣ್ ಬಾಲೆ ಪೆದ್ದ್‌ದಿತ್ತೆರ್.
ಬಂಜಿನಾಲಾದುಪ್ಪುನಗನೇ ಪೊಣ್ಣು ಬಾಲೆದ ಮಿತ್ತ್ ಆಸೆ ಇತ್ತಿನ ಪವಿತ್ರಾ ಆಣ್ ಬಾಲೆ ಆಯಿನೇ ಇಷ್ಟ ಇಜ್ಜಿ ಪಂದ್ ಇಲ್ಲದ ಎದ್‌ರ್‌ದ ಗೂವೆಲ್‌ಗ್ ದಕ್ಕ್‌ದೆರ್. ಇಸಯ ತೆರಿದ್ ಬಾಲೆನ್ ಪಂಜ ಸರ್ಕಾರಿ ಆಸ್ಪತ್ರೆಗ್ ಲೆತೊಂದು ಪೋನಗ ತೀರ್ದ್ಂಡ್.
ಪವಿತ್ರಾ ಮಾನಸಿಕವಾದ್ ದುಂಬೇ ಉಸಾರ್ ಇಜ್ಜಂಡ್, ಆರೆಗ್ ಈ ಬಗೆಟ್ ಮರ್ದ್‌ಲಾ ನಡತ್ಂಡ್ ಪಂದ್ ತೆರಿದ್ ಬೈದ್ಂಡ್. ಶನಿವಾರ ಇಲ್ಲಡ್ ಏರ್ಲಾದಾಂತಿನ ಪೊರ್ತುಡು ಈ ಘಟನೆ ನಡತ್ಂಡ್ಂದ್.