Last updated on October 11th, 2022 at 07:45 am
ಗುವಾಹಟಿ: ಪ್ರಾಥಮಿಕ ಶಾಲೆಡ್ ಜೋಕುಲೆಗ್ ಅಪ್ಪೆಬಾಸೆಡೇ ಕಲ್ಪಾವೊಡು ಪಂದ್ ಕೇಂದ್ರ ಗೃಹ ಮಂತ್ರಿ ಅಮಿತ್ ಷಾ ಐತಾರ ನಡತಿನ ಲೇಸ್‌ಡ್ ಪಂಡೆರ್.
ಇಂಚಿಪ್ಪೊಗು ಅಸ್ಸಾಂ ಸರ್ಕಾರೊದ ಮಲ್ಲ ನಿರ್ಧಾರ ಮೂಜಿನೇ ಕ್ಲಾಸ್ ಬೊಕ್ಕ ಐರ್ದ್ ಮಿತ್ತ ಕ್ಲಾಸ್‌ದ ಒವ್ವೇ ಮಾಧ್ಯಮೊದ ಜೋಕುಲೆಗ್ ಗೆನ್ಪು(ಗಣಿತ) ಬೊಕ್ಕ ವಿಜ್ಞಾನೊನು ಇಂಗ್ಲಿಷ್‌ಡೇ ಪಂಡ್‌ದ್ ಕೊರ್ಪುನ ನಿರ್ಧಾರೊಗು ಜನಕ್ಲೆನ ಪರ ವಿರೋಧ ಕೇಂದ್ ಬರೊಂದುಂಡು. ಎಚ್ಚಿನ ಶಿಕ್ಷಣ ಸಂಸ್ಥೆಲು, ರಾಜಕೀಯ ಪಾರ್ಟಿಲು, ವಿದ್ಯಾರ್ಥಿ ಸಂಘೊಲು ನೆಕ್ಕ್ ವಿರೋಧವಾದ್ ಉಲ್ಲೆರ್.
“ಪ್ರಧಾನಿ ನರೇಂದ್ರ ಮೋದಿಯೆರೆನ ಮುತಾಲಿಕೆಡ್ ನಡತೊಂದುಪ್ಪುನ ನಮ್ಮ ಸರ್ಕಾರ ದೇಶೊದ ಅಭಿವೃದ್ಧಿ ಮಾತಾ ಬಾಸೆಲೆನ್ ಒಟ್ಟುಗ್ ಲೆತೊಂದು ಪೋಂಡ ಮಾತ್ರ ಸಾಧ್ಯ ಪಂದ್ ನಂಬುದುಂಡು. ಈ ದಿಟ್ಟಿಡ್ ನ್ಯಾಷನಲ್ ಎಜುಕೇಷನ್ ಪಾಲಿಸಿಡ್ಲಾ ಪ್ರಾಥಮಿಕ ಶಾಲೆದ ಜೋಕುಲೆಗ್ ಅಕಲೆನ ಅಪ್ಪೆ ಬಾಸೆಡೇ ಶಿಕ್ಷಣ ಕೊರೊಡು ಪಂದ್ ತೆರಿಪಾದ” ಪಂದ್ ನಾರ್ತ್ ಈಸ್ಟನ್ ಕೌನ್ಸಿಲ್ ದ 70ನೇ ಇನಯೊಡು ಪಾತೆರ್ನ ಮಂತಿರ್ಲು ಪಂಡೆರ್