Last updated on October 29th, 2022 at 07:25 am
ಮಸ್ತ್ ಜನಕ್ ತೆರಿದುಪ್ಪಂದ್, ಕೊಡಗು 1952ರ್ದ್ 1956 ಮುಟ್ಟ ಒಂಜಿ ಸ್ವತಂತ್ರ ರಾಜ್ಯ ಆದಿತ್ತ್ಂಡ್. 1956ಟ್ಟ್ ರಾಜ್ಯೊಲೆನ ಮರುವಿಂಗಡನೆ ಮಲ್ಪುನಗ ಅವೆನ್ ಮೈಸೂರು ರಾಜ್ಯದೊಟ್ಟುಗು ಗೋಡ್ಯಾಯಿನಿ. ಸಂವಿಧಾನದ ವಿದಿತ ಪ್ರಕಾರ ಕೊಡವನಾಡ್ ಭೂ ರಾಜಕೀಯ ಸ್ವಾಯತ್ತೆಗಾದ್ ನನೊರ ರಾಜ್ಯ ವಿಂಗಡನೆ ಆವೊಡು ಇಜಿಂಡ ದುಂಬುದ ಲೆಕ್ಕ ಕೊಡವೆರೆಗ್ ಪ್ರತ್ಯೇಕ ರಾಜ್ಯ ಇಜಿಂಡ ಕೇಂದ್ರಾಡಳಿತ ಪ್ರದೇಶ ಮಲ್ಪೊಡು ಪನ್ದ್ ಕೊಡವ ನ್ಯಾಷನಲ್ ಕೌನ್ಸಿಲ್ ಒತ್ತಾಯ ಮಲ್ದ್ಂಡ್. ಮಡಿಕೇರಿದ ಜಿಲ್ಲಾಧಿಕಾರಿ ಕಛೇರಿದ ಎದುರು ಈ ಪೊರುಂಬು ಮಲ್ತಿನ ಪದುಕೆರ್ ಜಿಲ್ಲಾಧಿಕಾರಿಲೆಗ್ ಹಕ್ಕೊತ್ತಾಯ ಕೊರಿಯೆರ್.
ನವೆಂಬರ್ 1ಕ್ಕ್ ಈ ವಿಷಯೊಡು ದೆಹಲಿದ ಜಂತರ್ ಮಂತರ್ ಡ್ ಧರಣಿ ಸತ್ಯಾಗ್ರಹ ನಡಪುಂಡು ಪನ್ದ್ ಪಂಡೆರ್. ಎಂಕ್ಲೆನ ಬಾಷೆ, ಸಂಸ್ಕೃತಿ ಒರಿಪಾವೊಡಾಂಡ ಎಂಕ್ಲೆಗ್ ಪ್ರತ್ಯೇಕ ಅಸ್ಥಿತ್ವ ಅಗತ್ಯವಾದ್ ಬೋಡು ಪನ್ದ್ ಗುರ್ಕಾರ್ಲಾಯಿನ ಎನ್.ಯು.ನಾಚಪ್ಪ ಪಂಡೆರ್.