ಕೇರಳೊಡು ಸಿರಿವಂತೆರಾವರೆ ಪೊಂಜೊವುಲೆನ್ ಬಲಿ ಕೊರಿನಕಲೆನ್ ಪೋಲೀಸ್ ಪತ್ತಿಯೆರ್

Last updated on October 14th, 2022 at 08:58 am

ರಡ್ಡ್ ಪೊಂಜೊವುಲೆನ್ 4 ತಿಂಗೊಲ್ದ ಉಲಯಿ ಕೆರ್ದ್ ಅಕಲೆನ ಜೀವೊನು ತುಂಡು ಮಲ್ತ್ ತನ್ಕುಲೆ ಬಿತ್ತಿಲ್ ಡ್ ಕೋಂತಿನ ಘಟನೆ ಕೇರಳದ ಎಳನೂರುಡು ನಡತ್ಂಡ್.

ಮೊಹಮ್ಮದ್ ಶಫಿ ಅಲಿಯಾಸ್ ರಶೀದ್ ಪನ್ಪಿನಾಯೆ 8 ತಿಂಗೊಲುರ್ದು ದುಂಬು ಅಲ್ಪದ ನಿವ್ಸ್ ಪೇಪರ್ ಡ್ ತಾನ್ ಒಂಜಿ ಪೂಜೆ ಮಲ್ತ್ ತನ್ನ ಗ್ರಾಹಕೆರೆನ್ ಸಿರಿವಂತೆರಾದ್ ಮಲ್ಪುವೆ ಪನ್ದ್ ಒಂಜಿ ಆ್ಯಡ್ ಕೊರ್ದಿತ್ತೆ. ಉಂದೆನ್ ತೂಯಿನ ಒಂಜಿ ಕಂಡನೆ-ಬೊಡೆದಿ ಆಯನ್ ಸಂಪರ್ಕೊ ಮಲ್ದಿತ್ತೆರ್.

ಅವೆರ್ದ್ ಬೊಕ್ಕ ನಾಲ್ ತಿಂಗೊಲ್ದ ಉಲಯಿ ರೊಸೆಲಿ ಬೊಕ್ಕ ಪದ್ಮ ಪನ್ಪಿನ ರಡ್ಡ್ ಪೊಂಜೊವುಲೆನ್ ನೆಕ್ಕಾತ್ರ ಬಲಿ ಕೊರ್ದು ಅಕಲೆನ ಮಂಡೆ ಕಡ್ತ್ ಪೀಸ್ ಪೀಸ್ ಮಲ್ತ್ ಇಲ್ಲ ಬಿತ್ತಿಲ್ ಡ್ ಕೋಂದೆರ್.

ಮೊಕಲೆನ್ ಅಂಗಾರೆ ಪೋಲೀಸೆರ್ ಪತ್ತಿಯೆರ್. ವಿಚಾರಣೆ ನಡತೊಂದುಂಡು.