Last updated on October 13th, 2022 at 07:23 pm
1970ರ್ದ್ 2018ದ ಪೊರ್ತುಡು ಕಾಡಮುರ್ಗೊಲೆನ ಸಂಖ್ಯೆ ಶೇ. 69ದಾತ್ ಕಮ್ಮಿ ಆತ್ಂಡ್ಂದ್ ವಲ್ಡ್ ವೈಲ್ಡ್‌ಲೈಫ್ ಫಂಡ್‌ದ ಲಿವಿಂಗ್ ಪ್ಲಾನೆಟ್ ರಿಪೋರ್ಟ್ 2022(LPR-2002) ವರದಿ ಮಲ್ದ್ಂಡ್.
5,230 ಜಾತಿದ ಸುಮಾರ್ 32,000 ಕಾಡಮುರ್ಗೊಲೆನ ಬಗೆತ ವರದಿಡ್, ಉಷ್ಣವಲಯೊಡು ಈ ಸಂಖ್ಯೆ ತರೆಕ್ ಕೈ ದೀಪುನಾತ್ ಮಟ್ಟ್‌ಡ್ ಕಮ್ಮಿ ಆತ್ಂಡ್.
ಈ ವರದಿದ ಪ್ರಕಾರ ಲ್ಯಾಟಿನ್ ಅಮೆರಿಕಾ ಬೊಕ್ಕ ಕೆರಿಬಿಯನ್ ಭಾಗೊಡು ಮಸ್ತ್ ಕಮ್ಮಿ ಆತ್ಂಡ್. ಮುಲ್ಪ 1970ರ್ದ್ 2018ದ ಉಲಯಿ ದುಂಬು ಇತ್ತಿನೆರ್ದ್ 94% ಕಮ್ಮಿ ಆತ್ಂಡ್.
ಆಫ್ರಿಕಾಡ್ ಕಾಡಮುರ್ಗೊಲೆನ ಸಂಖ್ಯೆ 66% ಕಮ್ಮಿ ಆತ್ಂಡ್. ಏಷಿಯಾ ಫೆಸಿಫಿಕ್ ಭಾಗೊಡು 55% ಕಮ್ಮಿ ಆತ್ಂಡ್.
ಚೀಪೆನೀರ್‌ಡ್ ಬದುಕುನ ನೀರಮುರ್ಗೊಲೆನ ಸಂಖ್ಯೆಡ್ಲಾ 83%ದಾತ್ ಕಮ್ಮಿ ಆತ್ಂಡ್.
ಈ ವರದಿ ನಮ ಪೋವೊಂದುಪ್ಪುನ ಸಾದಿ ಸಮ ಉಂಡಾ ಪಂದ್ ನಮನಮನೇ ಕೇನೊನುನ ಲೆಕ ಮಲ್ದ್ಂಡ್.