Last updated on November 19th, 2022 at 02:28 pm
ಸರ್ಕಾರ ‘ಶ್ರೀಗಂಧ ನೀತಿ’ಗ್ ಗುರುವಾರ ಸಚಿವ ಸಂಪುಟೊದ ಇನಯೊಡು ಒಪ್ಪಿಗೆ ಕೊರ್ತಿನೆರ್ದಾವರ ತನ್ಕುಲೇ ಶ್ರೀಗಂಧ ಬುಲೆಯೊಡು ಪಂದ್ ಇತ್ತಿನ ಕೃಷಿಕೆರೆಗ್ ಬಾರಿ ಕುಸಿಯಾತ್ಂಡ್.
ರಾಜ್ಯೊದ ಕೊಪ್ಪರಿಗೆ ದಿಂಜಾವುನೆನ್ ಗೇನೊಡು ದೀವೊಂದು ಈತ್‌ನೇಟ ಶ್ರೀಗಂಧ ಬುಲೆಪಾಯೆರ ಅಂಚೆನೇ ಮಾರ್ಯೆರ ಇತ್ತಿನ ಕಟ್ಟ್‌ಲೆನ್ ಸರ್ಕಾರ ಕೈಬುಡ್ತ್ಂಡ್.
ಈತ್‌ನೇಟ ಶ್ರೀಗಂಧ ಬುಲೆವೊಡಾಂಡ ಅರಣ್ಯ ಇಲಾಖೆಡ್ ರಿಜಿಸ್ಟರ್ ಮಲ್ತ್‌ದ್, ಈತ್ ದೈ ನಡೊಂದುಲ್ಲ ಪಂದ್ ತೆರಿಪಾವೊಡಿತ್ತ್ಂಡ್. ಪಿರ ಮರ ಕಡ್ಪೆರ ಇಲಾಖೆದ ಪರ್ಮಿಷನ್ ಬೋಡಿತ್ತ್ಂಡ್. ಇಲಾಖೆದ ಡಿಪೋಡ್ ಮಾತ್ರ ಮಾರ್ಯೆರ ಅನುವು ಇತ್ತ್ಂಡ್.
ಇತ್ತೆ ಈ ಕಟ್ಟ್‌ಲೆನ್ ಮಾತ ಸಡ್ಲ ಮಲ್ತ್‌ದ್ ಮುಕ್ತ ಮಾರ್ಕೆಟ್‌ಡ್ ಮಾರ್ಕೆಟ್‌ಡ್ ಮಾರುನಂಚಿನ ವೆವಸ್ತೆ ಕನವೊಡು ಪಂದ್ ಪೊಸ ನೀತಿಡ್ ಉಂಡು.
ಇಂಚಿನ ಶ್ರೀಗಂಧೊದ ಮರಕ್ಲೆಗ್ ಅರಣ್ಯ ಇಲಾಖೆನೇ ಕಾಪು ಕೊರ್ಪುಂಡು ಪಂದ್ ಸಚಿವೆ ಕೆ ಸುಧಾಕರ್ ತೆರಿಪಾಯೆರ್.