ಕುಡ್ಲಡ್ ರಿಕ್ಷಾ ಬ್ಲಾಸ್ಟ್ : ಪೋಲೀಸೆರ್ ಜನಕ್ಲೆಗ್ ಶಾಂತಿ ಒರಿತೊನರೆ ಪಂಡೆರ್

Last updated on November 19th, 2022 at 10:21 pm

ಕಂಕನಾಡಿ ಕುಡ್ಲಡ್ ರಿಕ್ಷಾ ಒಂಜಿ ಬ್ಲಾಸ್ಟ್ ಆಂಡ್. ದಾಯೆಗ್ ಪನ್ಪಿನ ನೆವನ ನನಲ ತೆರಿದ್’ಜಿ. ರಿಕ್ಷದ ಡ್ರೈವರ್ ಬೆೊಕ್ಕ ರಿಕ್ಷೊಡಿತ್ತಿನ ಒಂಜಿ ಜನಕ್ ಪೆಟ್ಟಾತ್ಂಡ್. ಪೋಲೀಸೆರ್ ರಿಕ್ಷಾ ಎಂಚ ಬ್ಲಾಸ್ಟ್ ಆಂಡ್ ಪನ್ದ್ ನಾಡ್ ಪತ್ತೊಂದುಲ್ಲೆರ್.

ಕುಡ್ಲ ಪೋಲೀಸ್ ಕಮಿಷನರ್ ಶಶಿಕಾಂತ್ ಪಾತೆರ್ದ್ ಡ್ರೈವರ್ ಸೂ ಪತ್ತಿನೆನ್ ತೂತೆರ್, ಡ್ರೈವರ್ ಬೊಕ್ಕ ಐಟಿತ್ತಿನ ಜನ ಟ್ರೀಟ್ಮೆಂಟ್ ದೆತೊನೊಂದುಲ್ಲೆರ್ ಅಂಚ ಪಾತೆರಿಯರೆ ಆಪುಜಿ. ಜನಕುಲು ಬೊಡ್ಚಾಂದಿನ ಸುದ್ದಿ ಪಗರಾರೆ ಬಲ್ಲಿ, ಶಾಂತಿಡ್ ಉಪ್ಪೊಡು. ಎಂಕುಲು ಅಕಲೆಡ ಪಾತೆರಿಬೊಕ್ಕ ವಿಷಯ ದಾದ ಪನ್ದ್ ತೆರಿಪಾವ ಪನ್ದ್ ಪಂಡೆರ್.

ಬೇಲೆ ನಡತೊಂದಿತ್ತಿನ ಬಿಲ್ಡಿಂಗ್ದ ಬೆತ್ತಡಿ ಬತ್ತ್ ಉಂತಿಬೊಕ್ಕ ರಿಕ್ಷಾ ಬ್ಲಾಸ್ಟ್ ಆಂಡ್ ಪನ್ದ್ ತೆರಿದ್ ಬೈದ್ಂಡ್. ರಿಕ್ಷೊಡಿತ್ತಿನ ಜನ ಪ್ಲಾಸ್ಟಿಕ್ ಬ್ಯಾಗ್ ಪತೊಂದಿತ್ತ್ಂಡ್ ಗೆ ಅವೆಕ್ ಸುರುಕು ತೂ ಪತ್ತ್’ದ್ ಬೆೊಕ್ಕ ಬೇತೆಕ್ಕ್ ತೂ ಪತ್ತ್ಂಡ್ ಪನ್ದ್ ಅನುಮಾನ ಉಂಡು. ಪೋಲೀಸೆರ್ ಅವ್ ಬ್ಯಾಗ್ ಡ್ ದಾದ ಇತ್ತ್ಂಡ್ ಪನ್ದ್ ವಿಚಾರಣೆ ಮಲ್ತೊಂದುಲ್ಲೆರ್ ಅಂಚೆನೆ ಪೊರೆಂಸಿಕ್ ಟೀಮ್ ಬೈದ್ಂಡ್.