Last updated on November 30th, 2022 at 07:35 pm
ಬೊಲ್ತೇರ್: ಕಂಗ್ ಕಡ್ಪುನಗ ತತ್ತ್‌ದ್ ಪ್ರಾಯದಾರೆನ ತರೆಕ್ ಕಂಗ್ ಬೂರ್ದ್ ಆರ್ ತೀರ್ನ ಘಟನೆ ಇನಿ ಬೊಲ್ತೇರ್‌ದ ಇಂದೊಟ್ಟುಡು ತಡತ್ದ್ಂಡ್.
ಇಂದೊಟ್ಟು ಗ್ರಾಮಾದ ಅಂಕೊತ್ಯಾರ್ ನವೀನ್ ಪನ್ಪಿನಾರ್ ತೋಟೊಡಿತ್ತಿ ಪರ ಕಂಗ್ ಕಡ್ಪೆರ ನೌಫಾಲ್ ಪನ್ಪಿನಾರೆಗ್ ಕಂತ್ರಾಟ್ ಕೊರ್ದಿತ್ತೆರ್. ಅಂಚ ಇನಿ ಕಾಂಡೆ ಸುಮಾರ್ 10:30ದ ಅಂದಾಜಿಗ್ ಕಂಗ್ ಕಡ್ತೊಂದುಪ್ಪುನಗ ಮುಂಡಾಜೆ ಗ್ರಾಮೊದ ಮಂಜುಶ್ರೀನಗರೊದ ಕುಂಟಾಲಪಲ್ಕೆ ಅಣ್ಣು ನಾಲ್ಕೆ (66) ಪನ್ಪಿನಾರೆನ ತರೆಕ್ ಕಂಗ್ ಬೂರ್ದ್ ಪೆಟ್ಟಾತ್ಂಡ್. ಅಪಗನೇ ಆರೆನ್ ಬೊಲ್ತೇರ್‌ದ ಸರ್ಕಾರಿ ಆಸ್ಪತ್ರೆಗ್ ಲೆತೊಂದುಪೋದು ಮರ್ದ್‌ಗ್ ಸೇರಾಯೆರ್.
ಆಂಡ ಮರ್ದ್ ಪಲಿಪಂದೆ ಅಣ್ಣು ನಾಲ್ಕೆ ತೀರ್ದೆರ್. ಈ ಬಗೆಟ್ ಆರ್ನ ಮಗೆ ಅನಂತ ಮುಂಡಾಜೆ, ಬೊಲ್ತೇರ್ ಪೋಲೀಸ್ ಸ್ಟೇಷನ್‌ಗ್ ದೂರು ಕೊರ್ತೆರ್.