Last updated on November 4th, 2022 at 06:16 pm
ಬಿಜೆಪಿ ಶಾಸಕೆ ಕೆ ಎಸ್ ಈಶ್ವರಪ್ಪೆರೆನ ಫೋಟೋ ಗೋಡ್ಯಾದ್ ಕರೆನ್ಸಿ ನೋಟುದ ಲೆಕ ಎಡಿಟ್ ಮಲ್ತ್‌ದ್ ಬಲೆತ್ತಾನೊಡು ಪಟ್ಟೊಂದಿನ ಕಾಂಗ್ರೆಸ್ ಆಪರೇಷನ್ ಕಮಲಗ್ ಮಕ್ಕರ್ ಮಲ್ದ್ಂಡ್.
ಈ ಬಗೆಟ್ ಟ್ವೀಟ್ ಮಲ್ದಿನ ಕಾಂಗ್ರೆಸ್ ಕೆ ಎಸ್ ಈಶ್ವರಪ್ಪೆರ್ ಕಾಂಗ್ರೆಸ್ ಶಾಸಕೆರೆಗ್ 500 ಕೋಟಿದ ಆಸೆ ತೋಜಾದಿತ್ತೆ ಪನ್ಪುನೆಟ್ ಎಂಕ್ಲೆಗ್ ಒವ್ಲಾ ಸೋದ್ಯ ಇಜ್ಜಿ. ತೆಲಂಗಾಣೊದ 150 ಕೋಟಿದ ಡೀಲ್‌ಡ್ಲಾ ಈರೆನನೇ ಮೆಷಿನ್ ಬೇಲೆ ಮಲ್ದ್ಂಡೆ? 40% ಕಮಿಷನ್‌ದ ಕಾಸ್‌ನ್ ಕರ್ನಾಟಕ ಆದ್ ನನ ತೆಲಂಗಾಣೊಡು ಇನ್ವೆಸ್ಟ್ ಮಲ್ತೊಂದುಲ್ಲರಾ? ಪಂದ್ ಕೇಂದ್ಂಡ್.
ಕಾಂಗ್ರೆಸ್ ಶಾಸಕೆ ಸಂಗಮೇಶ್‌ರೆನ್ ಬಿಜೆಪಿಗ್ ಒಯ್ಪೆರ ಈಶ್ವರಪ್ಪೆರ್ 50 ಕೋಟಿದ ಆಸೆ ತೋಜಾದಿತ್ತೆರ್ಂದ್ ಕೆಪಿಸಿಸಿ ಗುರ್ಕಾರೆ ಡಿಕೆ ಶಿವಕುಮಾರ್ ದೂರ್ದಿತ್ತೆರ್. ಅವೆಕ್ ಉತ್ತರ ಕೊರ್ನ ಈಶ್ವರಪ್ಪೆರ್ ಡಿಕೆ ಶಿವಕುಮಾರ್‌ರೆಗ್ ಆರೆನ ಪಕ್ಷೊದ ಬಿಲೆ ಗೊತ್ತಿಜ್ಜಿ. ಯಾನ್ 500 ಕೋಟಿ ಕೊರ್ಪೆಂದ್ ಪಂದಿತ್ತೆ. ಆಂಡ ಆರ್ ಸಂಗಮೇಶೆರೆನ್ ದಾಯೆ ಈತ್ ಚಲ್ಲ್ ಮನ್ತೊಂದುಲ್ಲೆರ್? ಪಂದ್ ಪಂದಿತ್ತೆರ್.