ಒಂಜಿ ಕಾಂತಾರ, ನೂತ್ತೊಂಜಿ ಅವಾಂತರ: ದೈವೊದ ಏಸ ಪಾಡೊಂದು ನಲ್ತಿನ ಕರ್ನಾಟಕ ಪೋಲೀಸ್!!!

Last updated on November 23rd, 2022 at 05:03 pm

ಬೀದರ್: ಕಾಂತಾರ ಪಿಚ್ಚರ್ ಬತ್ತಿಬೊಕ್ಕ ತುಳುನಾಡ ದೈವಾರಾಧನೆ ಇಡೀ ದೇಸೊಗೇ ಗೊತ್ತಾಂಡಲಾ ಅವೆರ್ದ್ ಆತಿನ ಹಾಲ್ ಲೆಕ್ಕೊರ್ದ್ ಜಾಸ್ತಿಯೇ ಆದುಂಡು. ದೈವಾರಾಧನೆದ ಕಡೆಕೊಡಿ ಗೊತ್ತುದಾಂತಿನಕುಲು ಅಲ್ಪಲ್ಪ ದೈವೊಲೆನ ಏಸ ಪಾಡೊಂದು ಕೋಂಗಿ ಕಟ್ಟುನ ದಿನೋಲಾ ನಡತೊಂದುಂಡು.

ನವೆಂಬರ್ 19 ರ್ದ್ 21 ಮುಟ್ಟ ನಡತಿನ ಬೀದರ್ ಜಿಲ್ಲಾ ಪೊಲೀಸ್ ವಾರ್ಷಿಕ ಕ್ರೀಡಾಕೂಟ 2022 ಡ್ ಒರಿ ಪೋಲೀಸ್ ದೈವೊದ ಲೆಕ ಏಸ ಪಾಡೊಂದು, ಕೈಟ್ ದೊಂದಿ ಪತೊಂದು ತುಳುನಾಡ ಸಂಸ್ಕೃತಿಗ್ ಮಕ್ಕರ್ ಮಲ್ಪುನಂಚ ನಲ್ತೊಂದು, ಬೊಬ್ಬೆ ಪಾಡೊಂದು ಬತ್ತಿನ ವೀಡಿಯೋ ಒಂಜಿ ಸೋಷಿಯಲ್ ಮೀಡಿಯಾಡ್ ತಿರ್ಗೊಂದುಂಡು.