Last updated on November 2nd, 2022 at 02:17 pm
ಪದ್ಮಶ್ರೀ ಹರೇಕಳ ಹಾಜಬ್ಬೆರೆಗ್ ಒಂಜಿ ಪಿಯು ಕಾಲೇಜ್ ಕಟ್ಟಾವೊಡು ಪನ್ಪಿನ ಮಾಮಲ್ಲ ಅಂಗಲ್ಪು ದುಂಬುರ್ದಿಂಚ ಇತ್ತ್ಂಡ್. ಪದ್ಮಶ್ರೀ ಮಾನಾದಿಗೆ ತಿಕ್ಕೆರ ದುಂಬುಲಾ ಅವೇತೋ ಜನಪ್ರತಿನಿಧಿಲೆನ್ ಬೇಟಿ ಆದ್ ಪಿ ಯು ಕಾಲೇಜ್‌ದ ಬಗೇಟ್ ಬಿನ್ನೈತೊಂದಿತ್ತೆರ್. ಆಂಡ ಇತ್ತೆ ಆರೆನ ಬಿನ್ನಪುಲೆಗೊಂಜಿ ದಿನ್ನ ಇತ್ತ್‌ದ್ ಆರೆನ ಕನೊತ ಪಿ ಯು ಕಾಲೇಜ್‌ಗ್ ಸರ್ಕಾರ ಮಂಜೂರಾತಿ ಕೊರ್ತುಂಡು.
30 ವರ್ಸೊಗು ದುಂಬು ತರೆಟ್ಟ್ ಚಿತ್ತ್‌ಪುಲಿ ತುಂಬೊಂದು ಪೇಂಟೆಡ್, ಊರ್‌ಡ್ ಮಾರೊಂದು ಎಚಾಂಡಲಾ 1999-2000ದ ಸಾಲ್‌ಡ್ ಆರೆನ ಊರ್‌ಗ್ ಪ್ರಾಥಮಿಕ ಶಾಲೆ ಕನಪುನೆಟ್ ಗೆಂದ್‌ದಿತ್ತೆರ್. ಒಂತೆ ಸಮೆ ಕರಿದ್ ಪ್ರೌಢಶಾಲೆ‌ಗ್ಲಾ ಮಂಜೂರಾತಿ ತಿಕ್ಕ್ಂಡ್. ಅಪಗನೇ ಸರ್ಕಾರಿ ಪಿ ಯು ಕಾಲೇಜ್ ಬೋಡು ಪನ್ಪಿ ಕನ ದೀವೊಂಡಿನ ಹಾಜಬ್ಬೆರ್ ಏತೇ ಬಂಙ ಆಂಡಲಾ ಇನಿತ ದಿನೊಟು ಸರ್ಕಾರೊರ್ದ್ ಪಿ ಯು ಕಾಲೇಜ್‌ಗ್ ಪರ್ಮಿಷನ್ ಗೆತೊಂಡೆರ್.