Last updated on November 15th, 2022 at 02:58 pm
ದೈವೊದ ಏಸ ಪಾಡೊಂದು ಬತ್ತಿನ ತಹಶೀಲ್ದಾರ್! ತುಳು ಪರಪೋಕು ನನ ಏತ್ ಕೋಂಗಿಲೆನ್ ತೂವೊಡು?
‘ಕಾಂತಾರ’ ಪಿಚ್ಚರ್ ಕರ್ನಾಟಕ ಮಾತ್ರ ಅತ್ತಂದೆ ಪಿದಯಿ ರಾಜ್ಯೊಡ್ಲಾ ಬಾರಿ ಹಿಟ್ ಆತ್ಂಡ್. ರಿಷಬ್ ಶೆಟ್ರೆನ ನಿರ್ದೇಶನೊಡು, ತುಳುನಾಡ ಪರಪೋಕು ತೋಜಾವುನ ಈ ಪಿಚ್ಚರ್ ಕೋಟಿಗಟ್ಲೆ ಕಾಸ್ ಮಲ್ದ್ಂಡ್.
ತೆಲುಗು ರಾಜ್ಯೊಲ್ನ ಜನೊಕುಲ್ಲಾ ಈ ಪಿಚ್ಚರ್ನ್ ತೂದು ಪುಗರೊಂದುಲ್ಲೆರ್. ಆಂಡ ಆಂಧ್ರಪ್ರದೇಶೊದ ವಿಜಯನಗರಂ ಜಿಲ್ಲೆದ ತಹಶೀಲ್ದಾರ್ ಒರಿ ದೈವೊದ ಏಸ ಪಾಡೊಂದು ಬತ್ತ್‌ದ್ ವಿಕೃತಿ ತೋಜಾದೆರ್.
ಗುಂಟೂರುದ ನಾಗಾರ್ಜುನ ಯೂನಿವರ್ಸಿಟಿಡ್ ಆಂಧ್ರ ಪ್ರದೇಶ ಸುಂಕ ಇಲಾಖೆದ ಗೊಬ್ಬು ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮೊಡು ಪಾಲ್‌ಪಡೆವರೆ ಬತ್ತಿನ ತಹಶೀಲ್ದಾರ್ ಪ್ರಸಾದ್ ರಾವ್ ಕಾಂತಾರ ಪಿಚ್ಚರ್ಡ್ ಇತ್ತಿಲೆಕ ಪಂಜುರ್ಲಿನ ಏಸ ಪಾಡೊಂದು ಬತ್ತ್‌ದೆರ್. ಆತೆ ಅತ್ತಂದೆ ಪಿಚ್ಚರ್ದ ಡೈಲಾಗ್‌ನ್ ನುಡಿ ಕೊರ್ಪಿಲೆಕ ಪನೊಂದು ವಿಕೃತಿ ತೋಜಾದೆರ್.
ಸೇರ್ದಿತ್ತಿ ಜನ ದೈವೊದ ಏಸ ಪಾಡ್ದಿನ ತಹಶೀಲ್ದಾರ್‌ನೊಟ್ಟು ಸೆಲ್ಫಿ ದೆತೊನುನಲಾ ತೋಜಿದ್ ಬತ್ತ್ಂಡ್.
ತುಳುವೆರ್ ಉಂದೆಕ್ ಕಾನೂನಾತ್ಮಕ ಪೊರುಂಬು ಆಯಿನಾತ್ ಬೇಗ ಮಲ್ಪೊಡು. ದೈವದ ಪುದರ್ಡ್ ಒವ್ವೇ ಪಿಚ್ಚರ್ಲು ಬರಿಯರೆ ಬಲ್ಲಿ ಪನ್ಪಿನ ನಿಯಮೊಲು ಬರೊಡು. ಪರಪೋಕು ನಂಬೊಲಿಗೆದ ವಸ್ತು ಆವಂದೆ ತಾದಿ ಬೀದಿಡ್ ಮಾರುನ ವಸ್ತು ಯಾಪೊಗ್ಲಾ ಆವರೆ ಬಲ್ಲಿ.