Last updated on November 26th, 2022 at 02:26 pm
ತುಳುವೆರೆಗ್ ದೈವಾರಾಧನೆ, ಕೋಲ, ನೇಮ ಪಂಡ ಬಾರಿ ಒಂಜಿ ಶ್ರದ್ಧೆದ, ಇಸೇಸ ಕಾಳಜಿದ ಇಸಯ. ಅವ್ವೊಂಜಿ ಕಾಲೊಡು ತತ್ತ್‌ದ್ಲಾ ದೈವೊಲ್ನ ಪುದರ್ ಪೊಕ್ಕಡೆ ಪೊಕ್ಕಡೆ ದೆಪ್ಪೆದಿಜೆರ್.
ಆಂಡ ಕಾಂತಾರ ಪಿಚ್ಚರ್ ಬತ್ತಿ ಬೊಕ್ಕ ದೈವೊಲ್ನ ಪುದರ್ ಪನೊಂದು ಕಾಸ್ ಮನ್ಪುನ, ಲೂಟುನ ದಂಧೆ ಸುರು ಆತ್ಂಡ್. ತುಳುವೆರೆ ಆಚರಣೆಲೆಗ್ ಆತಿನ ಮಕ್ಕರ್‌ಗ್ ಲೆಕ್ಕ ಇಜ್ಜಿ. ಇಂಚ ಮನ್ಪುನಕ್ಲೆಗ್ ದೈವಾರಾಧಕೆರ್ ಎಚ್ಚರಿಕೆಲಾ ಕೊರ್ದಿತ್ತೆರ್.
ಈ ಮಾತ ಇಸಯೊಲೆನ ನಡುಟು ಬೆಂಗ್ಳೂರುದ ಯೆಲಹಂಕದ ಚೊಕ್ಕನಹಳ್ಳಿಡ್ ನವೆಂಬರ್ 26ಕ್ ಕೊರಗಜ್ಜಗ್ ಕೋಲ ಕೊರ್ಪುನ ಅಟ್ಟನೆ ಜೋರುಡು ನಡತಿತ್ತ್ಂಡ್. ನೆತ್ತ ಇಸಯ ಗೊತ್ತಾಯಿನೇ ತುಳುನಾಡೊರ್ಮೆ ನೆಕ್ಕ್ ವಿರೋಧ ಲಕ್ಕ್‌ದಿತ್ತ್ಂಡ್.
ಕಡೆಕ್ಲಾ ತುಳುವೆರೆ ಪೊರ್ಮ್ಬು ಗೆಂದ್‌ದ್ ಬೆಂಗ್ಳೂರ್‌ಡ್ ನಡಪೆರಿತ್ತಿನ ಕೋಲ ಕ್ಯಾನ್ಸಲ್ ಆತ್ಂಡ್.