Last updated on November 12th, 2022 at 01:07 pm
ವಾಟ್ಸಾಪ್‌ಡ್ ಏರೋ ಕಡಪುಡ್ದಿನ ಸೊಲ್ಲಂಜೊನು ಸತ್ಯ ಪಂದ್ ನಂಬುದ್ ಫ್ಲೇಮ್ ಲಿಲ್ಲಿ ಪೂತ ಕಂಡೆ ತಿಂದ್‌ದ್ ಜವನೆ ಒರಿ ತೀರ್ದಿನ ಘಟನೆ ಚೆನ್ನೈಡ್ ನಡತ್‌ದ್ಂಡ್.
ತಿರುಪಟ್ಟೂರ್ ಜಿಲ್ಲೆದ ಅಂಬೂರುದ ಮಿನ್ನೂರ್ ಲೋಕನಾಥನ್(25) ತೀರ್ದಿನ ಜವನೆ. ಮಿನ್ನೂರ್‌ದ ಪ್ರೈವೇಟ್ ಕಲ್ಲ್‌ದ ಪನೆಟ್ ಬೆನೊಂದಿತ್ತಿನ ಜವನೆ ಫ್ಲೇಮ್ ಲಿಲ್ಲಿ ಪೂತ ಕಂಡೆ ತಿಂದ್‌ಂಡ ಜೂವೊಗು ಎಡ್ಡೆ ಪನ್ಪಿನ ವಾಟ್ಸಾಪ್ ಸೊಲ್ಲಂಜ ಓದುದೆರ್. ಉ್ಂದೆನೇ ಸತ್ಯ ಪಂದ್ ನಂಬುದ್ ಒಟ್ಟು ಬೇಲೆ ಮಲ್ತೊಂದಿತ್ತಿನ ನಟರಂಪಳ್ಳಿ ರೆತಿನಮ್(45) ಪನ್ಪಿನಾರೆನ ಲೆತೊಂದು ಶುಕ್ರವಾರ ಈ ಕಂಡೆನ್ ತಿಂತೆರ್.
ತಿಂದ್‌ದ್ ಒಂತೆ ಪೊರ್ತುಡೇ ರಡ್ಡ್ ಜನೊಕ್ಲಾ ಉಸಾರ್ ತತ್ತ್‌ದ್, ಇಲ್ಲದಕ್ಲು ವೆಲ್ಲೂರ್ ಆಸ್ಪತ್ರೆಗ್ ಸೇರಾದೆರ್. ಲೋಕನಾಥನ್‌ರೆನ್ ಎಚ್ಚಿನ ಮರ್ದ್‌ಗ್ ಚೆನ್ನೈದ ರಾಜೀವ್ ಗಾಂಧಿ ಆಸ್ಪತ್ರೆಗ್ ಸೇರಾಂಡಲಾ, ಮರ್ದ್ ಪಲಿಪಂದೆ ತೀರ್ದ್ ಪೋತೆರ್. ರೆತಿನಮ್‌ಗ್ ಮರ್ದ್ ನಡತೊಂದುಂಡು ಪಂದ್ ತೆರಿದ್‌ಬೈದ್ಂಡ್. ಅಂಬೂರು ಪೋಲೀಸ್ ಜಡ್ತೆ ಮನ್ತೊಂದುಲ್ಲೆರ್.