Last updated on November 20th, 2022 at 08:54 pm
ವಯನಾಡ್: ನಾಲ್ ವರ್ಸೊದ ಬಾಲೆನೊರ್ಯನ್ ಬೀಸತ್ತಿ ಕುತ್ತುದ್ ಕೆರ್ತಿನ ಘಟನೆ ವಯನಾಡ್‌ದ ಮೆಪ್ಪಾಡಿ‌ಡ್ ನಡತ್‌ದ್ಂಡ್.
ತೀರಿನ ಬಾಲೆ ಮೆಪ್ಪಾಡಿ ಮೆಡುಂಬಳ ಪರೈಕ್ಕಲ್‌ದ ಜಯಪ್ರಕಾಶ್‌ರೆನ ಮಗೆ ಆದಿದೇವ್ ಪಂದ್ ತೆರಿದ್‌ಬೈದ್ಂಡ್.
ಗುರುವಾರ ಕಾಂಡೆ ಒರ್ಮ್ಬ ಗಂಟೆದ ಅಂದಾಜಿಗ್ ಬರಿತ ಇಲ್ಲದ ಜಿತೇಶ್ ಪನ್ಪಿನಾಯೆ ಜಯಪ್ರಕಾಶ್‌ರೆನ ಬೊಡೆದಿ ಅನಿಲಾ ಬೊಕ್ಕ ಬಾಲೆಗ್ ಜೂವ ಪೋಪುನಂಚ ಕುತ್ತುದೆರ್. ಅನಿಲಾ ಬಾಲೆದೊಟ್ಟುಗು ಅಂಗನವಾಡಿಗ್ ಪೋನಗ ಈ ಘಟನೆ ನಡತ್ಂಡ್ಂದ್ ಪಂದ್ ಪೋಲೀಸ್ ತೆರಿಪಾದೆರ್.
ಅನಿಲಾ ಮೆರೆಗ್ ಗಾತಿದ ಗಡಿಕುಲಾತ. ತರೆಟ್ ಕೈಟ್ ಗಡಿಕುಲುಲ್ಲ. ಆದಿದೇವ್‌ನ ತರೆಕ್ ಬೊಕ್ಕ ಎಡತ ಕೆಬಿಕ್ ಗಡಿಕುಲಾದಿತ್ತ್‌ದ್, ಅಪಗನೇ ಕೋಳಿಕ್ಕೋಡ್‌ದ ವೈದ್ಯಕೀಯ ಕಾಲೇಜ್‌‌ದ ಆಸ್ಪತ್ರೆಗ್ ಸೇರಾಂಡಲಾ ಚಿಕಿತ್ಸೆ ಪಲಿಪಂದೇ ತೀರ್ದೆರ್.
ಜಿತೇಶ್‌ನ್ ಅರೆಸ್ಟ್ ಮಲ್ದಿನ ಪೋಲೀಸ್ ಜಿತೇಶ್ ಬೊಕ್ಕ ಜಯಪ್ರಕಾಶ್‌ಗ್ ದುಂಬುರ್ದೇ ಪಗೆ ಇತ್ತ್ಂಡ್ಂದ್ ಪನ್ತೆರ್.