ಕೊಡಗು ರಾಜ್ಯೊದ ಮುಖ್ಯಮಂತ್ರಿ ಕುಡ್ಲದ ಸಂಸದೆ ಆದಿತ್ತೆರ್

Last updated on November 10th, 2022 at 05:06 pm

1956ನೇ ವರ್ಷೊರ್ದು ದುಂಬು ಕೊಡಗು ಕರ್ನಾಟಕೊಡು ಇತ್ತ್ ಜಿ , ಕೊಡಗು ಒಂಜಿ ಬೇತೆನೇ ರಾಜ್ಯೊ ಆದಿತ್ತಂಡ್. 1952ನೇ ಇಸವಿಡ್ ನಡತಿನ ಚುನಾವಣೆಟ್ ತಕ್ಕಡಿ ಪಾರ್ಟಿ ಬೊಕ್ಕ ಕಾಂಗ್ರೇಸ್ ಎದುರೆದುರಾದ್ ಪೊರುಂಬಾಟ ಮಲ್ತೆರ್ ಕಡೆಕ್ ಸಿ.ಎಮ್ ಪೂಣಚ್ಚ ಮೆರೆನ ಗುರ್ಕಾರ್ಮೆಡ್ ಕಾಂಗ್ರೇಸ್ ಗೆಂದಂಡ್ ಬೊಕ್ಕ ಪೂನಚ್ಚೆರ್ ಕೊಡಗುದ ಮುಖ್ಯಮಂತ್ರಿ ಆಯೆರ್. ಆಂಡ 1956ನೇ ಇಸವಿಡ್ ಕೊಡವೆರ್ನ ರಾಜ್ಯ ಮೈಸೂರು ರಾಜ್ಯದೊಟ್ಟುಗು ಕಲಡ್ದ್ ಪೋಂಡು ಅಂಚೆನೇ ಮಡಿಕೇರಿ ವಿಧಾನಸಭೆಲಾ ಪರತಿರಿತ ಪುಟ ಸೇರಂಡ್.

1956ನೇ ಇಸವಿಡ್ದ್ ದುಂಬು ತುಳುನಾಡ್ ಮದ್ರಾಸ್ ಪ್ರಾಂತ್ಯೊಡು ಇತ್ತಂಡ್. ಸೌತ್ ಕೆನರಾ ಪನ್ಪಿನ ಲೋಕಸಭಾ ಕ್ಷೇತ್ರ ಇತ್ತಂಡ್. ಇತ್ತೆ ಕೇರಳೊಡು ಉಪ್ಪುನ ಕಾಸರಗೋಡು ಬೊಕ್ಕ ಹೊಸದುರ್ಗಾಲಾ ಈ ಕ್ಷೇತ್ರೊದ ಪಾಲ್ ಡ್ ಇತ್ತಂಡ್ . ಆಂಡ ಮೈಸೂರು ರಾಜ್ಯ ಆಯಿಬೊಕ್ಕ ಕಾಸರಗೋಡು ಬೊಕ್ಕ ಹೊಸದುರ್ಗಾ ಸೇರ್ದ್ ಕಾಸ್ರೋಡು ಲೋಕಸಭಾ ಕ್ಷೇತ್ರೊ ಆಂಡ್ ಬೊಕ್ಕ ಕುಡ್ಲ್ ಲಾ ಕೊಡಗುಲಾ ಸೇರ್ದ್ ಮಂಗಳೂರು ಲೋಕಸಭಾ ಕ್ಷೇತ್ರ ಆಂಡ್. 1967ನೇ ಇಸ್ವಿಡ್ ನಡತಿನ ಚುನಾವಣೆಟ್ ಸಿ,ಎಮ್ ಪೂಣಚ್ಚ ಮೇರ್ ಕುಡ್ಲಡ್ ಕಾಂಗ್ರೇಸ ಪಾರ್ಟಿಡ್ ಉಂತಿಯೆರ್ ಮಾತ್ರ ಅತ್ತ್ ರೈಲ್ವೇ ಮಿನಿಸ್ಟರ್ಲಾ ಆಯೆರ್.

ಇಂಚ ಕುಡ್ಲದೊಟ್ಟುಗು ಇತ್ತಿನ ಕೊಡಗು 2007ನೇ ಇಸವಿಡ್ ಮೈಸೂರು ಲೊಕಸಭಾ ಕ್ಷೇತ್ರೊಗು ಸೇರಂಡ್ ಬೊಕ್ಕ ಮಂಗಳೂರು ಲೋಕಸಭಾ ಕ್ಷೇತ್ರೊಗು ದಕ್ಷಿಣ ಕನ್ನಡ ಲೋಕಸಭಾ ಕ್ಷೇತ್ರ ಪನ್ದ್ ಪುದರಾಂಡ್.