Last updated on November 25th, 2022 at 03:44 pm
ಉಬಾರ್: ಕಂಡನ್ಯನ ಎದುರುಡೇ ಪೊಂಜೊವುನ ಮಾನಭಂಗ ಮನ್ಪೆರ ತೂಯಿನ ಸಾಹದ್ ಪನ್ಪಿನಾಯನ ಮಿತ್ತ್ ದೂರು ದಾಕಲಾತ್ಂಡ್. ಬೊಲ್ತೇರ್ ತಾಲೂಕು ಬಾರ್ಯ ಗ್ರಾಮೊದ ಮುಡಿಜಾಲ್‌ದ ಜಮೀಲಾ ಪನ್ಪಿನಾರ್ ಸಾಹದ್ ಎನ್ನ ಮಾನಭಂಗ ಮನ್ಪೆರ ಬತ್ತೆ, ಅವೆಕ್ ಅಡ್ಡ ಬತ್ತಿನ ಎನ್ನ ಕಂಡನ್ಯಗ್ ದಂಟೆಡ್ ಆಕ್‌ದೆ ಪಂದ್ ಉಬಾರ್ ಸ್ಟೇಷನ್‌ದ್ ದೂರು ಕೊರ್ತೆರ್.
ಇಲ್ಲದುಲಯಿ ಅಕ್ರಮವಾದ್ ಪೊಗ್ಗುದ್, ಸಾಹದ್ ಎನ್ನ ಮಾನಭಂಗ ಮನ್ಪೆರ ತೂನಗ ಎನ್ನ ಕಂಡನೆ ಅಬೂಬಕ್ಕರ್ ಅಡ್ಡ ಬತ್ತೆರ್. ಆ ಪೊರ್ತುಡ್ ಸಾಹದ್ ಇಲ್ಲದ ಪಿದಯಿತ್ತಿನ ಒಂಜಿ ದೊಣ್ಣೆನ್ ಪತಬತ್ತ್‌ದ್ ತರೆ, ಮುಸುಂಟು, ಸೊಂಟೊಗು ಆಕ್‌ದೆ. ಬಾರಿ ಪೆಟ್ಟಾತಿನ ಆರೆನ್ ಕುಡ್ಲದ ಆಸ್ಪತ್ರೆಗ್ ಸೇರಾದ ಪಂದ್ ದೂರುಡ್ ತೆರಿಪಾದೆರ್.