Last updated on November 8th, 2022 at 06:39 pm
ಜವನನೊರಿಯನ್ ಕೆರ್ದ್ ಪೆಟ್ರೋಲ್ ಪಾರ್ದ್ ಪೊತ್ತಾದಿನ ಪ್ರಕರಣೊಡು ಒರಿ ರಿಕ್ಷಾ ಡ್ರೈವರ್‌ನ್ ವಿಟ್ಲಾ ಪೊಲೀಸ್ ದಕುಲು ಪತಿಯೆರ್.
ಕೆರಿನಾಯೆ ಬೊಳಂತರ್ದ ರಿಕ್ಷಾ ಡ್ರೈವರ್ ಅದ್ದು ಯಾನೆ ಅದ್ರಾಮ್ ಪಂದ್ ಪೊಲೀಸ್ ದಕುಲು ತೆರಿಪಾಯೆರ್. ಸುರಿಬೈಲ್‌ದ 19 ಓಡು ಪ್ರಾಯದ ಸಮದ್ ಯಾನೆ ಚಪ್ಪಿ ಪನ್ಪಿನ ಜವನನ್ ಇರಾ ಗ್ರಾಮೊದ ನಿರ್ಜನ ಪ್ರದೇಸೊಡು ಕೆರ್ದ್ ಬೊಕ್ಕ ಪೆಟ್ರೋಲ್ ಪಾರ್ದ್ ಪೊತ್ತಾದೆ ಪಂದ್ ಪೊಲೀಸ್ ತೆರಿಪಾಯೆರ್. ರಡ್ಡ್ ದಿನರ್ದ್ ತೋಜಂದಿನ ಸಮದ್ ಆರೋಪಿ ಅದ್ದು ನೊಟ್ಟುಗು ಇತ್ತೊಂತೆ ಪಂದ್ ಊರು ದಕುಲು ಪನೊಂತೆರ್. ಉಂದೆರ್ದ್ ದುಂಬುಲ ಕೆಲವು ಎಲ್ಯ ಪ್ರಾಯದ ಆನುಲೆನ್ ಸಲಿಂಗಕಾಮೊಗು ಗಲಸ್ದೆ ಪನ್ದ್ ಸಾರ್ವಜನಿಕೆಪ್ ದೂರೊಂದುಲ್ಲೆರ್. ಪೋಲೀಸೆರ್ ಉಂಬ್ಯನ್ ವಿಚಾರಣೆ ಮಲ್ತೊಂದುಲ್ಲೆರ್.