Last updated on November 19th, 2022 at 10:38 am
ಪ್ರೈಮರಿ ಶಾಲೆಲೆಗ್ ಟೀಚರ್ಲೆನ್ ಅಜಪರೆ ಮೇ ತಿಂಗೊಲ್ಡು ಪರೀಕ್ಷೆ ನಡದಿತ್ತ್ಂಡ್. ಸುಮಾರ್ 68,849 ಜನ ಈ ಪರೀಕ್ಷೆ ಬರೆದಿತ್ತೆರ್ ಅವೆಟ್ 10 ಜನ ತೃತೀಯ ಲಿಂಗಿಲುಲಾ ಇತ್ತೆರ್. ಉಂದೆಟ್ ಕರ್ನಾಟಕ ಸರಕಾರ ಪೊಸ ಟೀಚರ್ನಕುಲಾದ್ 13,369 ಜನನ್ ಅಜತ್ಂಡ್. ಒಂಜಿ ಐತಿಹಾಸಿಕ ಪೊರ್ತು ಪನ್ಪಿಲೆಕ್ಕ ಈ ಅಜತಿನೆಟ್ಟ್ ಮೂಜಿ ಜನ ತೃತೀಯ ಲಿಂಗಿಲುಲಾ ಸೆಲೆಕ್ಟ್ ಆಯೆರ್. ಚಿಕ್ಕಬಳ್ಳಾಪುರದ ಸುರೇಶ್ ಬಾಬು-ಇಂಗ್ಲೀಷ್, ರವಿಕುಮಾರ್ ಮಧುಗಿರಿ-ಸಮಾಜ ವಿಜ್ಞಾನ, ಅಶ್ವಥಮ್ಮ ರಾಯಚೂರು-ಸಮಾಜ ವಿಜ್ಞಾನ ಮೊಕುಲು ಮೂಜಿ ಜನ ತೃತೀಯ ಲಿಂಗಿಲು ಟೀಚರ್ನಕುಲಾದ್ ಸೆಲೆಕ್ಟ್ ಆದ್ ಇತಿಹಾಸ ಬರೆಯೆರ್.
ವಿಶೇಷವಾದ್ ಸರಕಾರ ಸುರುಕಾದ್ ಇಂಜಿನಿಯರಿಂಗ್ ಮಲ್ದಿನಕಲೆಗ್ ಲೆಕ್ಕ ಬೊಕ್ಕ ವಿಜ್ಞಾನ ಕಲ್ಪಾವರೆ ಮೀಸಲಾತಿ ಕೊರ್ತುಂಡು. ಈ ಮೀಸಲಾತಿಡ್ 19 ಜನ ಅಜತ್ ಬತ್ತೆರ್.