ತುಳು ಬಾಸೆನ್ ಒರಿಪಾವರೆ ದಾದ ಬೇಲೆ ಮಲ್ದರ್? ರಾಜ್ಯ ಅಲ್ಪಸಂಖ್ಯಾತ ಇಲಾಖೆಗ್ ಕೇಂದ್ರದ ಅಲ್ಪಸಂಖ್ಯಾತ ಭಾಷಾ ಇಲಾಖೆ ಪ್ರಶ್ನೆ

Last updated on November 25th, 2022 at 05:47 pm

ಕೇಂದ್ರದ ಅಲ್ಪಸಂಖ್ಯಾತ ಭಾಷಾ ಇಲಾಖೆಗ್ ಮಹೇಶ್ ಕುಮಾರ್ ಮುಲ್ಕಿ ಪನ್ಪಿನಾರ್ ತುಳು ಭಾಷೆನ್ ಒರಿಪಾವೊಡು ಪನ್ದ್ ಓಲೆ ಬರೆದಿತ್ತೆರ್. ಆ ಓಲೆಗ್ ಸದು ಕೊರಿನ ಕೇಂದ್ರ ಅಲ್ಪಸಂಖ್ಯಾತ ಭಾಷಾ ಇಲಾಖೆದ ಒತ್ತು ಕಮಿಷನರ್, ರಾಜ್ಯ ಅಲ್ಪಸಂಖ್ಯಾತ ಇಲಾಖೆಗ್ ಓಲೆ ಬರೆತೆರ್.

ತುಳು ಕರ್ನಾಟಕ ರಾಜ್ಯದ ಅಲ್ಪಸಂಖ್ಯಾತ ಭಾಷೆ. ರಾಷ್ಟ್ರಪತಿಕುಲೆನ ನಿರ್ದೇಶನೊಡು ಸಂವಿಧಾನದ ನೀತಿದ ಪ್ರಕಾರ ಅಲ್ಪಸಂಖ್ಯಾತ ಭಾಷೆಲೆನ್ ಒರಿಪಾವುನ ಅಂಚೆನೆ ಅವೆನ್ ಬುಲೆಪಾವುನ ಸರಕಾರ ಬೊಕ್ಕ ಇಲಾಖೆದ ಕರ್ತವ್ಯ.

ರಾಜ್ಯದ ಅಧಿಕೃತ ಭಾಷೆಲೆನೊಟ್ಟುಗು ರಾಜ್ಯದ ಅಲ್ಪಸಂಖ್ಯಾತ ಭಾಷೆಲೆನ್ಲಾ ಗಲಸೊಡು. ಈ ನಿಟ್ಟ್ ಡ್ ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲೆಡ್ ತುಳು ಭಾಷೆನ್ ಒರಿಪಾವರೆ, ಗಲಸರೆ ದಾದ ಪೂರಾ ಕಜ್ಜೊಲೆನ್ ಮಲ್ದರ್ ತೆರಿಪಾಲೆ ಅವೆನ್ ಕೇಂದ್ರ ಅಲ್ಪಸಂಖ್ಯಾತ ಭಾಷಾ ಇಲಾಖೆದ ಕಮಿಷನರೆಗ್ ಪಟ್ಟೊನರೆ ಉಂಡು ಪನ್ದ್ ರಾಜ್ಯದ ಅಲ್ಪಸಂಖ್ಯಾತ ಭಾಷಾ ಇಲಾಖೆಗ್ ಕೇಲ್ವೆ ಕೇಂದೆರ್.