Last updated on November 30th, 2022 at 08:32 pm
ಮದ್ಮೆ ಆದ್ ರಡ್ಡ್ ಜೋಕುಲುಲಾ ಇತ್ತಿನ ಜಯಲಕ್ಷ್ಮಿ ಪನ್ಪಿನ ಪೊಂಜೊವ್ ಕುಡೊರಿ ಅಂಜೊವುನೊಟ್ಟುಗು ಸಂಬಂಧ ದೀವೊಂದಿತ್ತೊಲು. ಉಂದು ಇಸಯ ಅಲೆನ ಕಂಡನೆ ದೇಸೇಗೌಡಗ್ ತೆರಿದ್ ಅಕಲೆಗ್ ನವೆಂಬರ್ 26ಕ್ಕ್ ಮಲ್ಲ ಲಡಯಿ ಆದಿತ್ತ್ಂಡ್. ಕಡೆಕ್ ಜಯಲಕ್ಷ್ಮಿ ತನ್ನ ಲವ್ವರ್ ನೊಟ್ಟುಗು ಸೇರ್ದ್ ಬೆಂಗಳೂರುದ ಕಿನ್ಯಬಾಣಾವರದಲ್ಪದ ಸೋಮಶೆಟ್ಟಿಹಳ್ಳಿದ ಫಾರ್ಮ್ ಹೌಸ್ ಡ್ ಕಂಡನನ್ ಕೆರಿಯೊಲು.
ದೇಸೇಗೌಡೆರ್ ಫಾರ್ಮ್ ಹೌಸೌಡು ಬೇಲೆಗ್ ಇತ್ತೆರ್, ಜಯಲಕ್ಷ್ಮಿ ಗಾರ್ಮೆಂಟ್ ಬೇಲೆಗ್ ಪೋವೊಂದಿತ್ತೊಲು. ಜಯಲಕ್ಷ್ಮಿಗ್ ಟೆಕ್ಕಿ ರಾಜೇಶನ ಗುರ್ತ ಆದ್, ಬೊಕ್ಕ ಗುರ್ತ ಪ್ರೀತಿಗ್ ತಿರುಗುದಿತ್ತ್ಂಡ್. ಕಂಡನೆ ಇಲ್ಲಡ್ ಉಪ್ಪಂದಿನದಗ ರಾಜೇಶೆ ಅಲೆನ ಇಲ್ಲಗ್ ಬತ್ತ್ ಪೋವೊಂದಿತ್ತೆ. ಉಂದು ತೆರಿನೇ ದೇಸೇಗೌಡೆ ಲಡಯಿ ಮಲ್ತಿನ ತೂದು ಇರ್ವೆರಪ್ಪ ಸೇರ್ದ್ ಆಯನ್ ಕೆರ್ದ್ ಚರಂಡಿಗ್ ದಕ್ಕ್’ದಿತ್ತೆರ್.
ಮನದಾನಿ ಜಯಲಕ್ಷ್ಮಿ ಪೋಲಿಸೆರ್ನಡೆ ಪೋದು ತನ್ನ ಕಂಡನೆ ಒಡೆಗ್ ಪೋತೆನಾ ಗೊತ್ತುಜ್ಜಿ ಪನ್ದ್ ಕಂಪ್ಲೈಂಟ್ ಕೊರಿಯೊಲು. ಸಂಬಂಧದಕಲೆಗ್ ಪೋನ್ ಮಲ್ತ್ ಕಂಡನೆ ಬೈದೆನಾ ಪನ್ದ್ ಕೇನುನ ನಾಟಕ ಮಲ್ತೊಲು. ಪೋಲೀಸ್ನಕುಲು ಡೌಟು ಬತ್ತ್ ಮೊಲೆನ ಕಾಲ್ ರೆಕಾರ್ಡ್ ದೆಪ್ಪುನಗ ಮೊಲ್ನ ನವರಂಗಿ ಆಟ ಪಿದಯಿ ಬತ್ತ್ಂಡ್.
ರಾಜೇಶನ್ ಪತ್ತ್’ದ್ ವಿಚಾರಣೆ ಮಲ್ಪುನಗ ಜಯಲಕ್ಷ್ಮಿ ತನ್ನ ಪಲಿ ಪನ್ದ್ ಪಂಡೆ. ಕಡೆಕ್ ಪೋಲೀಸೆರ್ ಮೊಕ್ಲೆನ ಬಾಯಿಡ್ ಸತ್ಯ ಕಕ್ಕಾದೆರ್.