Last updated on December 15th, 2022 at 08:31 am
ಖಾಸಾಗಿ ಪದವಿ ಪೂರ್ವ ಕಾಲೇಜಿಡ್ ಹಿಂದೂ ಪೊಣ್ಣು ಬೊಕ್ಕ ಮುಸ್ಲಿಂ ಆನನ ನಡುತ ಪ್ರೇಮ ಪ್ರಕರಣೊಡು ವಿವಾದ ಆದ್ 18 ಜೋಕುಲೆನ್ ವರ್ಸದ ಪರೀಕ್ಷೆಮುಟ್ಟ ಸಸ್ಪೆಂಡ್ ಮಲ್ಪುನ ಆದೇಶೊನು ವಿಟ್ಲದ ಕಾಲೇಜಿದ ಪ್ರಿನ್ಸಿಪಾಲ್ ಕೊರ್ತೆರ್.
ಕಾಲೇಜಿದ ದ್ವಿತೀಯ ಪಿ.ಯುದ ಜೋಕುಲೆನ ಈ ಪ್ರೇಮ ಪ್ರಕರಣ ಮಲ್ಲ ವಿವಾದೊಗು ನೆವನ ಆದಿತ್ತ್ಂಡ್. ಅಂಚಾದ್ ಮೊಕಲೆನ ಅಪ್ಪಮ್ಮಲೆನ್ ಲೆತ್ತ್ ಎಚ್ಚರಿಕೆ ಕೊರ್ದು ದುಂಬಗ್ ವಿವಾದ ಆವಂದಿಲೆಕ್ಕ ಈ ತೀರ್ಮಾನೊಗು ಬೈದೆರ್ಗೆ. ಸಸ್ಪೆಂಡ್ ಆಯಿನಕುಲು ಕಾಲಿ ಪರೀಕ್ಷೆ ಬರೆಯರೆ ಮಾತ್ರ ಕಾಲೇಜಿಗ್ ಬರೊಲಿ ಪನ್ದ್ ತೆರಿಪಾದೆರ್.
ಮೊಕಲೆನ ಲವ್ ತ ವಿಷಯದ ಬಗೆಟ್ ಈ ದುಂಬೇ ಅಪ್ಯಮ್ಮನ್ನ್ ಲೆತ್ತ್ ಪಾತೆರಕತೆ ಮಲ್ದಿತ್ತೆರ್. ಅವೆರ್ದ್ ಬೊಕ್ಕ ಸೀದೊಡೇ ಕ್ಲಾಸ್ ನಡತೊಂದಿತ್ತ್ಂಡ್. ಆಂಡ ಮೊರನಿ ವಾರ್ಷಿಕೋತ್ಸವದಪಗ ಉಂದು ಕುಡ ವಿವಾದೊಗು ನೆವನ ಆಂಡ್. ಜೋಕುಲು ಕ್ಲಾಸ್ಡ್ ಮೊಬೈಲ್ ಗಲಸುನೆನ್ ಲೆಕ್ಚರರ್ ಚೆಕ್ ಮಲ್ಪುನಗ ಪೊಣ್ಣಡ ಲವ ಲೆಟರ್ ತಿಕ್ಕ್ಂಡ್.