Last updated on December 29th, 2022 at 04:06 pm
2036ನೇ ವರ್ಸೊಡು ನಡಪುನ ಒಲಿಂಪಿಕ್ಸ್’ನ್ ಭಾರತೊಡು ಮಲ್ಪೊಡು ಪನ್ದ್ ಗಂಭೀರವಾದ್ ಪಾತೆರಕತೆ ನಡತೊಂದುಂಡು ಪನ್ದ್ ಕೇಂದ್ರ ಕ್ರೀಡಾಮಂತ್ರಿಯಾಯಿನ ಅನುರಾಗ್ ಠಾಕೂರ್ ತೆರಿಪಾಯೆರ್.
ದುಂಬೊರ ಭಾರತ ಏಷ್ಯಾ, ಕಾಮನ್’ವೆಲ್ತ್ ಕ್ರೀಡಾಕೂಟದಂಚಿನ ಲೇಸ್’ಲೆನ್ ನಡಪಾದ್ ಕೊರ್ದಿತ್ತ್ಂಡ್. ಈ ನಿಲೆಟ್ 2036ನೇ ಇಸವಿದ ಒಲಿಂಪಿಕ್ಸ್ ನಡಪಾವರೆ ಬಿಡ್ ಪಾಡುನಬಗೆಟ್ ಚಿಂತನೆ ನಡತೊಂದುಂಡು ಪನ್ದ್ ಪಂಡೆರ್.
2036ನೇ ಸೀಸನ್ ನಡಪಾವರೆ ಬೇತೆ ದೇಶೊಲುಲಾ ಬಿಡ್ ಮಲ್ತೊಂದುಲ್ಲ. ಇಂಡೋನೇಷಿಯಾ, ಸೌತ್ ಕೊರಿಯಾ, ಕತಾರ್, ಜರ್ಮನಿದಂಚಿನ ದೇಶೊಲು ಈ ಬಿಡ್’ದ ಕಲೊಕು ಜತ್ತ್’ದ.
ದೆಲ್ಲಿಡ್ 1951, 1982ಟ್ಟ್ ಏಷ್ಯಾ ಗೇಮ್ಸ್ ನಡದ್ಂಡ್, ಅಂಚೆನೆ 2010ಟ್ಟ್ ಕಾಮನ್’ವೆಲ್ತ್ ಗೇಮ್ ನಡದ್ಂಡ್. 2036ಕ್ಕ್ ಮಿನಿ ಒಲಿಂಪಿಕ್ಸ್ ನಡಪಾವರೆ ಭಾರತೊಗು ತಿಕ್ಕ್ಂಡ ಗುಜರಾತ್’ಡ್ ಉಂದೆನ್ ನಡಪಾವುನ ಅಟ್ಟನೆ ಆಪುಂಡು ಪನ್ದ್ ಅನುರಾಗ್ ಠಾಕೂರ್ ಪಂಡೆರ್.