Last updated on December 12th, 2022 at 01:20 pm
ತುಳುನಾಡ ಜನಪದ ಆಚರಣೆ ಕಂಬುಲೊನು ಬ್ಯಾನ್ ಮಲ್ಪೊಡು ಪನ್ದ್ ‘ಪೇಟಾ’ ಸುಪ್ರೀಂ ಕೋರ್ಟುಗು ಮಿತ್ತರ್ಜಿ ಪಾಡ್ದಿತ್ತ್ಂಡ್. ಉಂದೆಕ್ ಎದುರಾದ್ ಉಬಾರ್ದ ವಿಜಯ ವಿಕ್ರಮ ಜೋಡುಕರೆ ಕಂಬುಲ ಸಮಿತಿದಕುಲು ತಕರಾರ್ ಅರ್ಜಿ ಪಾಡ್ದಿತ್ತೆರ್. ನನ ಒಂತೆ ದಿನೊಟೇ ಕಂಬುಲ, ಜಲ್ಲಿಕಟ್ಟ್ ದ ಬಗೆಟ್ ಸುಪ್ರೀಂ ಕೊರ್ಟ್ ತೀರ್ಪು ಕೊರಿಯರೆ ಉಂಡು.
ಕಂಬುಲೊಡು ಪ್ರಾಣಿಹಿಂಸೆ ಆವೊಂದುಂಡು ಪನ್ದ್ ಪ್ರಾಣಿದಯಾ ಸಂಘೊಲು ದುಂಬೊರ ಕಂಬುಲೊನು ಬ್ಯಾನ್ ಮಲ್ಪರೆ ಪುನೆಪು ಬೈದಿತ್ತೆರ್. ಅದಗ ತುಳುವೆರ್ ಪೊರುಂಬುದು ರಾಷ್ಟ್ರಪತಿಕುಲು ಸುಗ್ರೀವಾಜ್ಞೆ ಕೊರ್ದು ಬ್ಯಾನ್ ಆವಂದಿಲೆಕ್ಕ ತೂಯೆರ್.
ಇತ್ತೆ ಕುಡ ಈ ಸಂಸ್ಥೆಲು ತನ್ಕುಲೆನ ಬೀಲ ಬುಡ್ಪಾವುಲೆಕ್ಕ ತೋಜೊಂದುಂಡು. ಕಂಬುಲ ಪನ್ಡ ಕ್ರೀಡೆ ಅತ್ತ್ ಅವೆಕ್ ಧಾರ್ಮಿಕ ಮಹತ್ವ ಉಂಡು. ಕಂಬುಲದ ಎರುಕುಲೆನ್ ಜೋಕುಲುಲೆಕ್ಕ ತಾಂಕುವ. ಕಂಬುಲ ಬ್ಯಾನ್ ಮಲ್ಪರೆ ಬಲ್ಲಿ ಪನ್ದ್ ಕಂಬುಲ ಕೂಟೊದ ಒರುಟು ಅಶೋಕ್ ಕುಮಾರ್ ರೈ ಅರ್ಜಿ ಪಾಡ್ದೆರ್.
ಸುಪ್ರೀಂ ಕೊರ್ಟುಡು ಈ ಅರ್ಜಿದ ವಿಚಾರಣೆ ಆತ್ಂಡ್. ತೀರ್ಪು ಒರಿಪಾದೆರ್. ಆಯಿನಾತ್ ಬೇಗ ಅಕೇರಿದ ತೀರ್ಪು ಬರ್ಪುಂಡು.