Last updated on December 3rd, 2022 at 12:40 pm
ದೈವೊಲೆನ ಅನುಕರಣೆ ಮಲ್ತ್ ಕೋಟಿಗಟ್ಟಲೆ ಕಾಸ್ ಮಲ್ತಿನಕುಲು ಇತ್ತೆ ಬೇತಕಲೆಗ್ ಮಲ್ಪೊಡ್ಚಿ ಪನ್ಪಿನ ವಿಪರ್ಯಾಸ ಪನ್ದ್ ಚೇತನ್ ಅಹಿಂಸಾ ಪಂಡೆರ್.
ಕೋಟಿಗಟ್ಟಲೆ ಕಾಸ್ ಬೊಕ್ಕ ತನ್ಕುಲೆನ ಲಾಭೊಗಾದ್ ಎಂಕ್ಲೆನ ಆದಿವಾಸಿ ಸಂಸ್ಕೃತಿನ್ ಹೈಜಾಕ್ ಮಲ್ತ್ ಗಲಸ್ ದ್, ಎಂಕ್ಲೆ ಮೂಲನಿವಾಸಿಲೆಗ್ ಒವ್ವೇ ದೆರ್ತ್ ಪತ್ತುನ ಬೇಲೆ ಮಲ್ಪಂದೆ ಬೇತೆಕಲು ಬೇತೆ ಜಾಗೊಡು ದೈವೊಲೆನ ಅನುಕರಣೆ ಮಲ್ಪರೆ ಬಲ್ಲಿ ಪನ್ಪಿನ ವಿಪರ್ಯಾಸ. ನಿಕುಲು ಅವೆನ್ ಪಿಚ್ಚರ್ ಮಲ್ತ್ ತೊಜಪಾವೊಲಿಯಾಂಡ ಬೇತೆಕಲುಲಾ ತೊಜಪಾವೊಲಿ ಪನ್ದ್ ಚೇತನ್ ಅಹಿಂಸಾ ರಿಷಭ್ ಶೆಟ್ಟಿಗ್ ಟಾಂಗ್ ಕೊರಿಯೆರ್.
ಇಂಚಪ್ಪೊಗು ತುಳುಟು ಕಾಂತಾರಾ ಬುಡುಗಡೆ ಆಪಿನ ಪೊರ್ತುಡು ವೀಡಿಯೋ ಮಲ್ತ್ ಪಾತೆರಿನ ರಿಷಭ್ ಶೆಟ್ಟಿ, ಪಿಚ್ಚರ್ ಡ್ ಇತ್ತಿಲೆಕ್ಕ ದೈವೊಲೆನ ಅನುಕರಣೆ ಮಲ್ಪರೆ ಪೋವೊಡ್ಚಿ, ದೈವದ ಲೆಕ್ಕ ಕಲ್ಕ್ ದ್ ರೀಲ್ಸ್ ಪೂರಾ ಮಲ್ತ್ ಪಾಡೊಡ್ಚಿ, ಉಂದು ದೈವೊನು ನಂಬುನಕಲೆಗ್ ದೈವಾರಾಧಕೆರೆಗ್ ಮಸ್ತ್ ಬೇನೆ ಕೊರ್ಪುಂಡು ಪನ್ದ್ ಪಂದಿತ್ತೆರ್.
ಉಂದೆಕ್ ಪ್ರತಿಕ್ರಿಯೆ ಕೊರಿನ ಚೇತನ್ ಅಹಿಂಸಾ ನಿಕುಲು ಮಾತಾ ಕೋಟಿಗಟ್ಟಲೆ ಪನವು ಮಲ್ಪರೆ ದೈವೊಲೆನ್ ಗಲಸೊಲಿ ಬಾಕಿದಕುಲು ಮಲ್ಪರೆ ಬಲ್ಲಿ ಪನ್ಪಿನ ವಿಪರ್ಯಾಸ, ಉಂದು ಪ್ರಜಾಪ್ರಭುತ್ವ ಪನ್ದ್ ಪಂಡೆರ್.